Bo ke importá bestia pa Boneiru òf hiba bo bestia doméstiko ku bo pa eksterior? E ora ei bo mester kumpli ku reglanan i kondishonnan veterinario. Departamento veterinario di Boneiru ta yuda bo ku esaki.
Kiko e produkto òf servisio aki ta nifiká?
E reglanan pa importá i eksportá bestia ta diferensiá pa e tipo di bestia i pais. P’esei, tuma kontakto na tempu ku dòkter di bestia òf ku departamento veterinario di Boneiru via e-mail: vet.afdeling@bonairegov.com.
Kon bo por pidi esaki?
Importashon di bestia
Si bo ke importá bestia, bo por konsultá e dekreto di importashon pa bestia chikitu BES. Ademas, bo por tuma kontakto ku e dòkter di bestia pa pidi e rekisitonan veterinario di Boneiru. E rekisitonan akí ta dependé, entre otro, di e tipo di bestia i e pais for di unda ta manda e bestia.
> Dekreto importashon di bestia chikí BES
Pa importashon di un kachó òf pushi for di Hulanda pa Boneiru, ta eksigí lo siguiente:
- Un pasport oropeo pa bestia
- Un mikrochip ku ta funshoná
- Un vakunashon bálido kontra rabia
- Un deklarashon di salú firmá pa un dòkter di bestia, no mas bieu ku 10 dia.
Eksportashon di bestia
Ora bo ke hiba bo bestia doméstiko ku bo pa eksterior, bo mester kumpli ku e lei i regulashon estranhero. E rekisitonan di importashon pa kada pais por diferensiá bastante. Pa eksportashon di bestia (di kas), entre otro kachó i pushi, bo por bai serka dòkter di bestia pa un sertifikado veterinario. E rekisitonan pa eksportashon ta dependé di e sorto di bestia i e pais ku ta risibí e bestia.
Pa informashon tokante e rekisitonan di importashon di e pais ku ta risibí e bestia, bo mester tuma kontakto ku departamento veterinario di e pais ei. Bo por konsultá LICG tambe pa un bista general.
Ku ken bo por tuma kontakto?
Bo por tuma kontakto ku Departamento Veterinario di Boneiru via e-mail:
