Produkto i Servisio
Gobièrnu i Organisashon
Aktualidat

Hasi petishon pa kompensashon pa koriente

E pago pa koriente ta un kompensashon pa un biaha so di $1300 pa habitantenan di Boneiru ku tin problema ku pagamentu di nan kuenta di koriente. 

Kiko e produkto òf servisio aki ta nifiká?

Kiko bo mester tene bon kuenta kuné?

Nos no ta depositá e pago riba bo kuenta di banko, pero komo krédito na WEB. Ku esaki bo por paga bo kuenta di koriente tanten ku e krédito ta sufisiente ainda.

Entidat Públiko Boneiru ta yuda kasnan di famia ku un entrada mas abou ku un kontribushon pa nan gastunan di koriente. Si nos aprobá bo petishon, nos ta depositá un suma di $1300 riba bo nòmber na WEB. Tur luna ta usa e suma akí pa paga (un parti di) bo gastunan di koriente.

Ki ora bo por pidi esaki?

Bo ta bini na remarke ora:

  • bo ta inskribí na Boneiru;
  • bo ta gana ménos ku e entrada máksimo ku ta konta pa bo tipo di kas di famia (wak e skema di entrada);
  • bo ta biba legalmente na Boneiru (no ménos ku 5 aña sin interupshon);
  • bo no a risibí e pago pa koriente ainda.

Dokumentunan nesesario

  • Sédula (prueba di identidat)
  • Kuenta di koriente di WEB òf prueba di kompra di Pagabon
  • Prueba di entrada, manera:
    • Slep di salario òf estado di kuenta di banko (di e último 3 lunanan)
    • Ekstrakto di Kámara di Komèrsio (den kaso di negoshi propio)
    • Deklarashon di penshun òf AOV
    • Karta di Unidat di Asuntunan Sosial i Empleo (SZW) den kaso di ònderstant
  • Prueba di laso familiar (den kaso di kas di famia kompartí): prueba di nasementu òf buki di famia
  • Kòntrakt di hür, ora bo ta hür kas i e kuenta di koriente no ta riba bo nòmber

Kon bo por pidi esaki?

Bo por entregá e petishon ònlain. 
Sigui e pasonan akí:

  1. Kolektá tur dokumentu nesesario.
  2. Klek riba ‘Hasi petishon’ i yena e formulario.
  3. Upload e dokumentunan pidí.
  4. Bo ta risibí un mensahe si bo petishon a keda aprobá. 

Ku ken bo por tuma kontakto?

Pa pregunta bo por yama òf manda Whatsapp na 701 1055 òf manda un e-mail na koriente@bonairegov.com.

Kuantu tempu e ta tuma?

Mayoria biaha nos ta prosesá kualke kambio dentro di seis siman. Bo ta haña mensahe tokante e resultado.

Kuantu e ta kosta?

Hasi petishon pa e kompensashon ta grátis.

Bo no ta di akuerdo ku e desishon?

Si bo no ta di akuerdo ku un desishon tokante bo kompensashon pa koriente, bo por hasi opheshon dentro di seis siman. Den e karta ku bo ta risibí bo ta mira kon bo tin ku hasi esaki. 

Ki lei i regla ta konta aki?

Bo por pidi esaki online?

Kiko nos ta hasi ku bo datonan personal?

Si bo entregá un petishon òf mèldu algu,  Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial. 

Den e Lei Protekshon di dato personal BES tin skirbí kon Entidat Públiko Boneiru mester hasi esaki. 

E reglanan mas prinsipal ta:

  • Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
  • Nan ta registrá i prosesá bo datonan di forma seif, konfidenshal i kouteloso.
  • Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
  • No ta warda bo datonan mas largu di loke ta nesesario pa e petishon òf loke bo a mèldu.
  • Otro organisashon ta haña bo datonan solamente si esei mester segun lei.
  • Bo por puntra pa kua fin ta usa bo datonan i kiko ta hasi ku nan. 
Chat