E kompensashon di koriente ta yuda hende ku ta enskribí na Boneiru ku nan gastu di koriente. Si bo situashon di bida òf bo entrada a kambia, bo mester informá Direktorado di Bienestar i Kuido bon na tempu.
Kiko e produkto òf servisio aki ta nifiká?
Si bo situashon a kambia, manera por ehèmpel bo entrada òf bo adrès, bo tin ku informá nos. Asina bo ta evitá ku bo kompensashon ta stòp òf ku bo lo mester paga e suma bèk.
Bo por risibí un kompensashon di $1300 riba bo faktura di koriente di WEB. For di e krédito aki WEB ta kita mensualmente bo uso di koriente. Si bo situashon personal a kambia, manera bo entrada òf adrès, bo tin ku aktualisá bo informashon.
Ki ora bo por pidi esaki?
E kondishonnan:
- Bo mester ta bibá sinku aña òf mas legalmente, sin interupshon, na Boneiru na momentu di e petishon.
- Bo entrada no ta pasa e límite máksimo konforme bo situashon familiar.
- Bo mester entregá tur e dokumentunan korekto pa mustrá e kambio.
Kon bo por pidi esaki?
- Kolektá dokumentunan nesesario, manera un faktura di koriente nobo òf prueba di entrada.
- Bai na bonairegov.com/koriente.
- Yena e formulario pa kambia bo informashon i añadí e dokumentunan nesesario.
- Manda bo petishon online.
- Bo ta risibí un konfirmashon di e kambionan entregá.
- Despues bo lo risibí un desishon basá riba e kambionan entregá.
Ku ken bo por tuma kontakto?
Pa informashon, por yamá of manda un WhatsApp na 701 1055 òf manda un imail na koriente@bonairegov.com.
Kuantu tempu e ta tuma?
Kambionan ta wordu tramita generalmente den 6 siman. Bo ta risibí un notifikashon riba e resultado.
Kuantu e ta kosta?
Kambia bo informashon no tin gastu.
Bo no ta di akuerdo ku e desishon?
Si bo no ta di akuerdo ku un desishon tokante bo kompensashon di koriente, bo por hasi un reklamo dentro di 6 siman. Den e karta ku bo ta risibí, lo splika kon bo por hasi esaki.
Ki lei i regla ta konta aki?
Unda bo por haña mas informashon?
Kiko nos ta hasi ku bo datonan personal?
Si bo ta hasi un petishon of un notifikashon, gobièrnu di Boneiru mester tin bo informashon personal. gobièrnu di Boneiru ta manehá bo informashon ku koutela.
E Lei di Protekshon di Datonan Personal BES ta stipulá kon gobièrnu di Boneiru mester trata bo informashon.
E reglanan mas importante ta:
- Gobièrnu di Boneiru ta pidi solamente informashon nesesario pa prosesá bo petishon of notifikashon.
- Nan ta registrá i prosesá bo datonan di forma sigur, konfidensial i ku koutela.
- Bo datonan lo keda usá solamente pa bo petishon of notifikashon, òf algu ku ta relashoná direktamente kun'é.
- Bo datonan lo no keda wardá mas largu ku ta nesesario pa bo petishon òf notifikashon.
- Otro organisashonnan ta haña bo informashon solamente si lei ta eksigí esaki.
- Bo por pidi infomashon tokante kon ta manehá i usa bo datonan.
