Un pasport pa negoshi ta pa hende ku ta biaha hopi pa nan trabou. E ta kasi meskos ku un pasport normal, pero e tin página èkstra. Asina tin mas espasio pa visa i stèmpel di duana.
Kiko e produkto òf servisio aki ta nifiká?
Ora bo apliká pa un pasport pa negoshi, bo no por apliká na mes momento pa un pasport normal.
E pasport pa negoshi ta un pasport hulandes ofisial ku página èkstra pa biahero frekuente. Tur hende ku tin nashonalidat hulandes por apliká pa un pasport pa negoshi hulandes.
Bo tin otro nashonalidat? Tuma kontakto e ora ei ku embahada òf konsulado di bo pais.
Ki ora bo por pidi esaki?
Bo mester tin nashonalidat hulandes.
Kon bo por pidi esaki?
Asina bo ta apliká pa pasport pa negoshi:
- Pasa na departamento di Asuntunan Sivil (Burgerzaken)
- Bai ku tur bo dokumentonan di biahe, asta si nan a kaduká.
- Trese 1 portrèt di pasport na koló ku ta kumpli ku eksigensia
- Laga registrá bo marka di dede
- Paga pa e pasport ora bo apliká
Pèrdí òf hòrtá?
Bo pasport pa negoshi a pèrdè òf nan a hòrt’é? Bo no tin nodi di hasi denunsia na polis. Mèldu e pèrdida mas pronto posibel na departamento di Asuntunan Sivil i apliká pa un pasport nobo.
Ku ken bo por tuma kontakto?
Departamento di Asuntunan Sivil
Adrès: Kaya Neerlandia 40
Telefòn: (+599) 715 5330
E-mail: info@bonairegov.com
Orario di servisio
Djaluna te ku djaweps: 08:00 - 15:00 or
Djabièrnè: será
Kuantu tempu e ta tuma?
Despues di 21 dia bo por pasa buska bo pasport di negoshi na departamento di Asuntunan Sivil.
Kuantu e ta kosta?
Un pasport pa negoshi ta kosta $89,40.
Kiko nos ta hasi ku bo datonan personal?
Ora bo hasi un petishon òf un notifikashon, entidat públiko Boneiru tin mester di bo datonan personal. Entidat públiko Boneiru ta anda kuidadosamente ku bo datonan.
Den e Lei di Protekshon di Datonan Personal BES tin pará kon entidat públiko Boneiru tin ku hasi esaki.
E reglanan mas prinsipal ta:
- Entidat públiko Boneiru ta pidi solamente e datonan ku ta nesesario pa tratamentu di bo petishon òf notifikashon.
- Nan ta registrá i prosesá bo datonan na un manera seif, konfiabel i kuidadoso.
- Nan ta usa bo datonan solamente pa e petishon òf e notifikashon, òf pa algu ku tin direktamente di haber ku esei.
- Nan no ta warda bo datonan mas tantu tempu ku ta nesesario pa e petishon òf notifikashon.
- Otro organisashonnan ta haña bo datonan solamente si esaki ta obligatorio segun lei.
- Bo tin mag di puntra pakiko nan ta usa bo datonan i kiko ta pasa ku nan.
