Pasport

Bo ta usa un pasport pa mustra ken bo ta. Bo mester hasi esaki ora bo ke biaha pa eksterior òf ora bo ta bai dòkter òf hòspital. Tur persona di 14 aña òf mas mester por mustra un pasport òf un dokumento di identidat si polis ta pidi esaki.

No solamente ora di hasi e petishon, pero tambe ora un mayor so / persona ku outoridat ta biaha ku un mucha menor di edat (bou di 18 aña), bo tin mester di pèrmit di e mayor ku outoridat. Lesa riba rijksoverheid.nl si bo tin mester di pèrmit.

Semper muchanan menor di edat na Hulanda ta legalmente someté bou di outoridat di mayornan pasobra nan ta legalmente inkapas di aktua. E outoridat aki ta un outorisashon/poder hurídikopa tuma desishonnan pa loke ta trata e mucha.

• Outoridat di mayor: Ta ehersé esaki dor di e mayor(nan) legal di e mucha.
• Tutela: Esaki un otro persona ku no ta mayor(nan) ta ehersé (por ehèmpel miembronan di famia, un institushon di tutela, òf un mayor di kriansa).

Ku un pasport bo por biaha pa otro pais. Pa sierto paisnan bo tin mester di un visa tambe. 

Pa mas informashon tokante biaha pa eksterior bo ta haña esaki riba Rijksoverheid.nl.

Balides
Si bo tin 18 aña òf mas, bo pasport ta bálido pa 10 aña. Pa tur persona bou di 18 aña, e pasport ta bálido pa 5 aña

Bishita na kas
Por pasa ku bo no por bini Registro Sivil pa hasi petishon pa un dokumento di identifikashon pa motibu di un limitashon físiko ò mental. Den e kaso ei, bo por pidi pa un bishita na kas. Promé ku e bishita na kas tuma lugá, bo mester tuma kontakto ku Registro Sivil. Si bo ta bini na remarke pa e servisio na kas, un empleado di Registro Sivil lo bini serka bo segun sita pa regla e petishon pa bo dokumento di identidat.