Un di dos pasport hulandes

E kondishonnan pa un di dos pasport hulandes ta:

• Bo promé pasport hulandes ta bálido ainda pa por lo ménos 6 luna.
• Bo ta biaha:
  • pa pais ku ta den guera ku un otro pais
  • pa un pais miéntras ku bo tin stèmpel kaba den bo pasport di un pais ku e país di bo destinashon ta den guera kuné.
  • Bo ta biaha regularmente miéntras bo pasport ta na un embahada pa apliká pa visa.

Bo ta biba pafó di Boneiru? E ora ei bo ta apliká pa e di dos pasport na un embahada òf konsulado hulandes. Òf na un munisipio di frontera hulandes (grensgemeente) kaminda esei ta posibel.

Asina bo ta apliká pa un di dos pasport:

• Bo ta pasa na departamento di Asuntunan Sivil.
• Bo ta bai ku tur bo dokumentonan di biahe, asta si nan a kaduká.
• Bo ta trese 1 portrèt di pasport na koló ku ta kumpli ku eksigensia.
• Bo ta paga bo pasport ora bo apliká. Fabor di paga ku karchi di banko (pen).

Pa apliká pa un di dos pasport bo ta bai tambe ku 1 di e siguiente kartanan:

• Un karta den kua bo ta splika ku bo mester biaha pa pais ku ta den guera ku otro pais. Pone prueba huntu ku e karta manera konfirmashon di e buelonan ku bo a buk.
• Un karta den kua bo ta splika ku bo ta biaha hopi biaha mi’entras  bo pasport ta na un embahada pa apliká pa visa. Pone prueba aserka, manera konfirmashon ku bo a buk bo vuelo. Pone un prueba aserka tambe di embahada ku ta deklará ku bo pasport ta aya  pa apliká pa visa.

Despues di 21 dia di trabou bo por pasa buska bo pasport na departamento di Asuntunan Sivil.

Bo mester di e pasport mas lihé ainda. Kisas bo ta bin na remarke pa un pasport di emergensia na departamento di Asuntunan Sivil. 

Un di dos pasport ta kosta $84,35.