Kambio di klima ta un desafio ku ta afektá tur hende na Boneiru. Nos isla bunita ta enfrentando desafionan grandi, manera un superfisie di laman ku ta subiendo, áwaseru pisá den tempu kòrtiku i periodonan mas largu di sekura. Kon nos por sòru pa un Boneiru habitabel? E kontesta ta den akshon i kolaborashon.
Pa e motibu akí Entidat Públiko Boneiru i e grupo di proyekto Mesa di Klima Boneiru ta organisá un townhall meeting riba djárason 18 di desèmber na Jong Bonaire, for di 18:00 or te 20:00 or. Por drenta i tuma asiento for di 17:45 or.
Kiko bo por verwagt?
- Diputado A. Cicilia ta duna splikashon tokante importansia di Mesa di Klima Boneiru.
- Presidente di e Mesa di Klima, sr. N. Oleana, ta introdusí e grupo di proyekto i e ta presentá e plan di aserkamentu tokante kon huntu nos por yega na un plan di klima pa un Boneiru habitabel.
- Espasio pa hasi pregunta i kompartí idea.
Dikon e Mesa di Klima ta importante pa Boneiru?
Kambio di klima no ta afektá solamente nos naturalesa, pero tambe habitabilidat i futuro di nos komunidat. Pa medio di drenta den kòmbersashon huntu, nos por haña solushonnan ku ta protehá Boneiru i hasié mas fuerte.
