Den periodo di 1 te ku 8 di desèmber binidero un treinen militar ta bai tuma lugá na Boneiru. Esaki den kuadro di mantenshon di e disponibilidat operashonal di e di 41 kompania di ehérsito establesé na Kòrsou.
Propósito di e treinen ta pa sera konosí ku Boneiru su bisindarionan i traha huntu ku outoridatnan lokal i servisionan di emergensia. Tambe lo ehersé trabou na benefisio di proyektonan di obra di karidat. Meskos ku durante e anterior treinen na nos isla, nan ta hasi uso di e aeropuerto bieu pegá ku Rincon komo ubikashon pa kampamentu. En konekshon ku e treinen komandante kapitan Martijn Huis in ‘t Veld huntu ku mayor Arthur Duursma lo hasi un bishita di kortesia serka gezaghèber Edison Rijna.
