Resúmen breve konferensia di prensa djárason 29 yüni 2022 anochi

Gezaghèber suplente Nolly Oleana ta gradisí komunidat di Boneiru pa nan bon koperashon.

Situashon aktual djárason anochi.
Na aeropuerto a midi 33 mm di awa, esaki ta mas o ménos 3.1 cm. Por mira ku e sistema a pasa Boneiru pero por spera mas áwaseru. 

Por lo pronto skolnan i akohidanan di mucha ta habrí riba djaweps 30 yüni 2022 i djabièrnè 1 yüli 2022, te asina leu ku esaki ta posibel.

Danki
Durante di e mal tempu por a mira un bon koperashon di pueblo Boneriano i tambe di e diferente organisashonnan ku a duna nan aporte pa yuda habitantenan. Gezaghèber suplente Nolly Oleana ta gradisí komunidat di Boneiru pa nan bon koperashon.

Tene kuenta ku riba djaweps 30 yüni 2022 ofisinanan di Gobièrnu lo ta será parti mainta pa públiko. Parti mèrdia e ofisinanan lo ta habrí bek pa públiko.

Siguiente stap
Ta konsehá pa eliminá tur plas di awa den kurá pa evitá chèns riba malesanan manera dengue, chikinguya etc..