E pisina flotante na Parke Tului ta será for di 3 te 6 di yüni pa kita koral pikapika. Ku regularidat INDEBON ta hasi mantenshon na e pisina, pero último tempu koral pikapika a krese rápidamente. Pa e motibu akí INDEBON a disidí pa laga eksperto hasi un limpiesa grandi dia 4 i 5 di yüni 2024.
Riba djamars 4 di yüni i djárason 5 di yüni e limpiesa grandi ta tuma lugá. Ta kita e pasio pa bai e pisina i tin akseso limitá pa subi riba e waf. Ku bista riba siguridat INDEBON ta hasi un yamada riba nos poblashon pa no subi riba e waf durante e dianan ku e pisina ta será. Hende ku tòg ke subi riba e waf, ta hasi esaki pa nan propio riesgo, asina INDEBON ta duna di konosé.
