Inspektornan di Direktorado di Supervishon i Mantenshon di Lei a kontrolá un asina yamá trùk di pan. Durante e kontròl akí riba djadumingu 26 di yanüari 2025 a resultá ku e trùk di pan en kestion tabata habrí pafó di e orario ku ta permití. Pa motibu di e violashon akí e trùk di pan mester a sera temporalmente. E doño no tabata kumpli ku e kondishonnan di e pèrmit.
Importansia di kumplimentu ku kondishon di pèrmit
Direktorado di Supervishon i Mantenshon di Lei ta haña importante ku tur doño di pèrmit ta tene nan mes na e kondishonnan di nan pèrmit. Pa e motibu akí nos ta supliká tur hende pa lesa e pèrmit bon i tene nan mes estriktamente na e reglanan. Ta importante pa tur hende kumpli ku e reglanan vigente pa evitá ripitishon di e tipo di situashonnan akí.
Den futuro ta bai intensifiká mantenshon di lei
Direktorado di Supervishon i Mantenshon di Lei ta sigui hasi esfuerso pa kumplimentu ku legislashon i regulashon. Den futuro e direktorado ta bai intensifiká e supervishon i e kontròlnan.
Pa mas informashon bo por tuma kontakto ku Direktorado di Supervishon i Mantenshon di Lei via +599 715 - 5330.
