Un Kondekorashon Real ta un muestra spesial di apresio pa persona ku pa basta tempu a traha na bienestar di sosiedat sin ningun interes propio. Sea ku ta trata di trabou i esfuerso pa bario, kultura, naturalesa, grupo sosial òf organisashon: e kondekorashonan akí ta ekonosé forsa di kompromiso i servisio na otronan.
Durante e 'Yobida di sinta’ (Lintjesregen) ku ta tuma lugá tur aña, e aña akí tres habitante di Boneiru a risibí un kondekorashon pa nan aporte eksepsional na komunidat:
- Maria Clarenda Clarinda – nombrá komo Kabayero (Ridder)den Órden di Oranje-Nassau Nassau
- Suzette Maria Bergland-Balentin – nombrá komo Kabayero (Ridder) den Órden di Oranje-Nassau
- Alyatte Aquilina Quirindoongo-Geertruida – nombrá komo Miembro den Órden di Oranje-Nassau
Gezaghebber John Soliano a entregá e kondekorashonnan, den su diskurso el a enfatisá importansia di disposishon pa traha na bienestar di komunidat i importansia di solidaridat,
“Awe nos no ta selebrá status, puesto òf interes propio. Awe nos ta selebrá algu muchu mas fundamental: dedikashon na otro persona
Gezaghebber a suprayá ku hustamente den un tempu den kua hopi biaha individualismo ta pará sentral, dedikashon di esnan ku a haña kondekorashon real ta mustra kon importante ta tene otro na bista i huntu fortifiká komunidat.
Kada un di e tres personanan ku a haña kondekorashon a dediká nan mes pa basta aña na traha na bienestar di Boneiru. Nan trabou no solamente a impaktá hopi habitante, pero ta sirbi tambe komo inspirashon pa otronan pa dediká nan mes na bienestar di komunidat.
Ku e kondekorashonnan real akí Boneiru ta ekspresá su gratitut pa nan dedikashon, kompromiso i kontribushon kontinuo na un komunidat mas fuerte.
