Kolegio Ehekutivo den kòmbersashon ku siudadano

Bo tin un pregunta pa Kolegio Ehekutivo òf bo ke papia ku un diputado? Gustosamente e diputadonan ta habrí pa esaki i kada un na su manera ta brinda e oportunidat pa bai den kòmbersashon ku nan.

Diputado Jolinda Craane tur luna ta tene ora di konsulta. Kada promé djabièrnè di luna tur hende por bati na su porta pa un kòmbersashon personal. ‘Nos ta yama bon biní na enbolbimentu di nos hendenan i nos ta enkurashá kòmbersashon habrí. Nos t’ei pa Boneiru su habitantenan i tur ora nos tin gana di tende nan ideanan. Gustosamente nos ta kontestá pregunta tambe.’

Diputado James Kroon pa hopi aña kaba ta konosí pa su kustumber di bai personalmente den kòmbersashon ku hende. E ta alkansabel pa tur hende i kla pa papia ku nan. Banda di esei kaminda ta nesesario den un forma mas pro-aktivo e ta bai den kòmbersashon ku e personanan enbolbí pa por sirbi siudadanonan mas mihó.

Diputado Hennyson Thielman ta bishitá nos barionan pa drenta den kontakto ku habitantenan di Boneiru. Durante su bishita e ta tuma tur tempu pa papia ku e hendenan ku ta deseá esaki. Pa diputado Thielman su bishitanan den bario ta un manera pa haña sa kiko ta pasando den e barionan i kiko ta sintimentu di nos hendenan.

Ta publiká e oranan di konsulta di diputado Jolinda Craane i e bishitanan den bario di diputado Hennyson Thielman riba e medionan sosial di entidat públiko Boneiru. Kolegio Ehekutivo ta haña importante pa ta aksesibel pa tur hende i ta enfatisá ku trahamentu huntu ta duna e resultadonan di mas bunita.