Diputado Thielman ta bishitá kas den Antriol

Diputado Hennyson Thielman ta kontinuá ku su bishitanan na kas den bario. Djaweps awor, 14 di sèptèmber 2023, bario di Antriol ta na turno. Entre 2or di mèrdia i 6or di atardi e mandatario lo ta presente den e bario, kompañá pa su tim di kolaboradornan, pa kòmbersá ku abitantenan i skucha nan deseonan i loke ta biba den nan bario. E tim ta yuda den e proseso di duna kontinuashon serka koleganan interno.

Kada luna diputado Thielman huntu ku su tim ta skohe un bario ku e lo bai bishitá. Durante e bishitanan akí e mandatario ta bishitá siudadanonan ku ta deseá esei na nan kas. Siudadanonan ku ta interesá i ta deseá esaki por registrá, mandando un mensahe pa medio di un Whatsapp na +599 7706943 i/òf manda un imeil na: gedeputeerde.thielman@bonairegov.com.

Diputado Thielman ta duna hopi balor i importansia na e bishitanan na kas. Nan no ta fasilitá solamente abitantenan ku tin problema ku transporte pa bishitá e mandatario na su ofisina. Tin siudadano tambe ku ta sinti nan mas kómodo den nan ambiente di kas.

Abo ta deseá pa diputado pasa kombersá ku bo den bario di Antriol?

Registrá awe mes!