Dia 23 di yanüari 2025 un reunion importante a tuma lugá entre Direktorado di Supervishon i Mantenshon di Lei (DT&H) i FTPKB. Durante e reunion akí a hasi palabrashon pa un kolaborashon intensivo. Huntu ámbos partido ke komprometé nan mes pa un mihó protekshon di konsumidó na Boneiru.
Un aserkamentu konhunto
Konsientemente a skohe pa un kolaborashon. Pa medio di traha huntu ku partnernan manera FTPKB, direktorado di Supervishon i Mantenshon di Lei por logra mas pa nos komunidat.
Inisio di e kolaborashon
Segun ekspektativa e sistema nobo di traha akí ta ranka sali dentro di tres siman. Pilánan importante ta informashon pa empresarionan i inspekshon físiko na empresanan. E meta relashoná ku esaki ta pa yuda empresarionan aktivamente ku informashon tokante reglanan di lei i kontròl di preis di produkto.
Mantenshon firme di lei kaminda ta nesesario
Direktorado di Supervishon i Mantenshon di Lei ta enfatisá ku tin sanshonnan klarito tambe pa empresarionan ku ta kometé violashon di lei. Direktorado di Supervishon i Mantenshon di Lei t’ei pa yuda, pero lo aktua a base di mantenshon di lei, kaminda esaki ta nesesario. Mester protehá e konsumidó boneriano.
Karakterístikanan di e aserkamentu nobo
- Kolaborashon intensivo ku partnernan
- Kampaña di informashon strukturá
- Sosten proaktivo pa empresarionan
- Mantenshon estrikto di derecho di konsumidó
Bo ke sa mas?
Empresarionan ku tin pregunta tokante e reglanan di lei, por tuma kontakto ku FTPKB via e number di telefòn +599 701 3569 òf via email: tiendapakonsumido@gmail.com.
