Pa motibu di un kandela na lèntfel di Selibon na Lagun tin desaroyo fuerte di huma den e bisindario. Ta konsehá hendenan ku ta biba dentro di un rayo di 1 kilometer pa evakuá. E rayo akí ta kore di pariba bai pabou, for di Selibon, via Fatima Snèk, te na e tereno di Fundashon Krusada.
Evakuashon
Ta supliká habitantenan ku ta biba dentro di e rayo menshoná pa, si ta posibel, regla akohida nan mes. Hendenan ku no tin posibilidat di akohida por mèldu nan mes na Sentro di Bario Amboina. Tur hende ku a mèldu nan mes na Sentro di Bario Amboina, entre tantu a haña lugá di keda.
Medida di siguridat pa hendenan ku ta biba den bisindario
Pa protehá bo mes kontra huma dañino, sera tur bentana i porta i pone bo èrko na sirkulashon interno. Si bo tin problema ku halamentu di rosea, bo por akudí na e pòst di dokternan di kas pa ayudo médiko.
Kuerpo di bombero ta trahando duru pa logra haña e situashon bon di kontròl
Kuerpo di bombero ta na e sitio i ta hasi tur loke ta nan alkanse pa logra haña e kandela bou di kontròl. E kandela ta pegá ku algun tanki di almasenahe, pero kuerpo di bombero ta tumando medida pa fria e tankinan akí i protehá nan. Pa motibu di hopi lodo ta difísil pa yega tur kaminda, loke ta sòru pa retraso den pagamentu di sierto partinan. Ta trahando riba un mihó aksesibilidat pa kuerpo di bombero.
Pa informashon aktual
Pa e último aktualisashonnan i preguntanan ku hende ta hasi mas tantu, bai na bonairecrisis.com i sigui e página di Facebook di Gobièrnu di Boneiru.
