For di 18 di febrüari 2025 algun proseso na gabinete di gezaghèber ta kambia. Intenshon di e kambionan akí ta pa hasi e prosedura di petishon mas rápido i mas fásil pa e siudadano. Di e manera akí entidat públiko Boneiru ta traha riba mehorashon mas aleu di e servisio na nos siudadanonan.
Prueba di inskripshon no ta nesesario mas
Pa e petishon pa un deklarashon tokante kondukta (VOG), e petishon pa un tèst di naturalisashon i un apoderashon a base di e Lei di Arma BES (Wapenwet BES), bo no tin mester di añadí un prueba di inskripshon mas. Esaki ta nifiká ku bo no tin mester di bai Registro Sivil mas pa buska e prueba akí.
Eksigensianan pa un Deklarashon Tokante Kondukta (VOG)
Si bo ke hasi petishon pa un deklarashon tokante kondukta (VOG), for di 18 di febrüari 2025 bo tin mester di lo siguiente:
- Un formulario di petishon kompletamente yená i firmá
- Komprobante di pago
Mas informashon
Bo ke sa mas tokante e eksigensianan òf e formularionan? Klek akinan pa mas informashon.
Pa pregunta bo por tuma kontakto ku gabinete di gezaghèber via +599 715 – 5330.
