Entidat Públiko Boneiru i Telbo N.V. ta hasi yamada pa Venezuela temporalmente grátis

Relashoná ku e temblor resien na Venezuela, Entidat Públiko Boneiru (EPB) i Telbo N.V. ta hasi yamada pa Venezuela temporalmente grátis.

E gesto aki ta pa duna residentenan di Boneiru posibilidat pa mantené kontakto ku famia, amigu i sernan kerí na Venezuela.

For di awe 26 di yüni te ku 6 di yüli 2026 mei anochi, yamadanan pa Venezuela for di tantu telefòn fiho komo telefòn selular ta grátis.

EPB ta ekspresá su kombibensia na tur hende afektá pa e temblor. Spesialmente e kombibensia ta bai na bonerianonan di desendensia venezolano i nan famianan, ku posiblemente ta den un situashon di insertidumbre pa loke ta trata nan sernan kerí.

Diputado Timotheo Silberie: “Ku e gesto akí, nos ke yuda famianan na Boneiru pa hustamente awor ta serka di nan sernan kerí na Venezuela.”

EPB i Telbo N.V. ta spera di e manera akí di sostené residentenan den e periodo difísil akí.