Riba djamars, 30 di sèptèmber 2025, Entidat Públiko Boneiru i FuHiKuBo a firma un akuerdo di kolaborashon pa ehekushon di e Agènda di Akshon Pasado di Sklabitut (2025-2029), spesífikamente e parti di archivo.
E departamento di Pòst i Archivo di EPB lo ta responsabel pa e parti akí. Huntu ku FuHiKuBo a formulá un plan pa na un manera duradero salbaguardiá Boneiru su patrimonio kultural i hasi esaki aksesibel. E proyekto ta enserá entre otro prepará algun espasio di archivo digital i físiko, proyektonan di digitalisashon i inisiativanan edukativo pa komunidat boneriano.
Ku e kolaborashon akí ta pone un paso importante den direkshon di un sistema di archivo ku ta resiliente pa futuro, i konservashon di historia i storianan di Boneiru.
Bòi Antoin, presidente di FuHiKuBo, i Christopher Frans, sekretario insular di Entidat Públiko Boneiru, a firma e akuerdo.
