Desaroyonan gubernamental no tin konsekuensia pa dunamentu di servisio

Djaweps tramèrdia 30 di yüli 2026 UPB a retirá su konfiansa den e kolaborashon ku MPB. Debí na esaki e koalishon aktual di gobernashon na e momento akí no tin mayoría mas den Konseho Insular.

E desaroyo akí no ta nifiká ku Kolegio Ehekutivo ta stòp di eksistí mesora òf ku e trabounan diario di gobernashon ta bai para ketu. Tratamentu mas aleu di e situashon ta kanando konforme e leinan i proseduranan vigente. Konseho Insular ta disidí kon ta kontinuá ku e proseso atministrativo mas aleu.

Pa nos habitantenan, empresarionan i bishitantenan ta importante pa sa ku dunamentu di servisio di Entidat Públiko Boneiru ta kontinuá normalmente. E organisashon di gobièrnu ta sigui hasi su trabounan i tur servisio públiko ta keda disponibel. Tur petishon, pèrmit, asuntunan sivil, proyektonan ku ta andando i otro trabounan ta kontinuá segun e proseduranan di kustumber.

Entidat Públiko Boneiru ta sigui komprometé su mes pa un servisio konfiabel, profeshonal i kuidadoso. Nos organisashon ta traha tur dia riba un bon dunamentu di servisio na nos komunidat, kaminda kontinuidat, stabilidat i interes general ta bini na promé lugá.

Si tin desaroyonan gubernamental ofisial ku tin konsekuensia pa komunidat, Entidat Públiko Boneiru ta informá tokante esaki via e kanalnan ofisial di komunikashon.