Den e grupo akí no a konta e mas o ménos 300 kas di famia òf kas di soltero ku a haña e kompensashon promé pa motibu ku nan situashon ta konosí kaba pa Direktorado di Komunidat i Kuido. Esei Direktorado Komunidat i Kuido ta informá.
Den pasado via Komunidat i Kuido, siudadanonan a pidi un kompensashon por ehèmpel pa kumpra artíkulo di skol, un bòter di gas, instalashon di Pagabon. Pero ta promé biaha ku asina tantu kas di famia òf kas di soltero a pidi un kompensashon. Komunidat i Kuido ta tene kuenta ku mas kas di famia òf soltero ta bai pidi e kompensashon.
Den práktika a sali na kla ku hendenan ta duda si nan kas di famia ta bin na remarke pa e kompensashon. Otronan ta haña ku nan mester entregá muchu dokumento. Empleadonan di e direktorado ta tene kuenta ku tin hende ku kisas tin bèrgwensa pa pidi e kompensashon pa nan kas di famia.
Terrence Jansen ta mènedjer di e proyekto ‘No Laga Koriente Dal Bo Duru.’ Segun Jansen, esnan ku ta duda simplemente tin ku pidi e kompensashon. ,.Mi ta konsehá hendenan ku ta duda si nan ta bin na remarke, pa tòg pidi e kompensashon. Nos ta ripará tambe ku tin biaha hendenan no ta komprondé bon kua ta e kondishonnan. I p’esei nan no ta inskribí.”
Empleadonan di e direktorado ta trata e petishonnan kuidadosamente. Tin un otro motibu pa ora ta duda, tòg pidi e kompensashon. ,,Si bo no pidi e kompensashon, e ora ei ta sigur ku bo ta pèrdè e chèns pa haña esaki. Esun ku no purba, nunka lo no logra, “Jansen ta splika.
For di 14 di òktober di e aña akí, siudadanonan por pidi e kompensashon pa nan kas di famia. Esei por online òf personalmente durante enkuentronan den bario. Pa mas informashon: www.bonairegov.com, mira na ‘Kampaña’.
