Entidat Públiko Boneiru a keda informá tokante e echo ku e Komishon di Supervishon riba Protekshon di Datonan Personal (CBP BES) a hala e ‘last onder dwangsom (un suma ku un persona/instansia ku violá lei mester paga si e no kumpli ku su obligashonnan) aden. E desishon akí ta marka un momentu importante den e trayekto ku Entidat Públiko Boneiru a kana pa mehorá kumplimentu ku e Lei di Protekshon di Datonan Personal BES.
E halamentu aden ta sigui despues di e evaluashon positivo di e raportahenan di progreso i e kontròlnan posterior ku a keda ehekutá den luna di mei 2025. Akí a konkluí ku na un manera konvinsente Entidat Públiko Boneiru a duna ehekushon na e medidanan di rekuperashon riba tereno di entre otro maneho di clean desk, secure printing, maneho di aksesibilidat i maneho di dokumentu.
E ‘last onder dwangsom’ original ku nan a imponé na luna di òktober 2024 a keda revisá parsialmente na luna di febrüari despues di opheshon di parti di Entidat Públiko Boneiru. Akí entre otro a prolongá e término pa implementashon di sierto medidanan. Tambe danki na akshonnan dirigí den e organisashon, entre otro kampañanan di konsientisashon i mehorashonnan tékniko, entretantu a drecha e sobrá defisiensianan.
Protekshon di datonan personal ta keda un punto di atenshon importante den Entidat Públiko Boneiru. Nos ta sigui hasi esfuerso pa un mehorashon struktural di nos maneho di privasidat i pa krea un ambiente di trabou kaminda ser kuidadoso ku datonan personal ta e standart. Tambe nos ta spera kontinuashon di e kolaborashon konstruktivo ku CPB BES, tantu riba tereno di supervishon regular komo kompartimentu di konosementu.
