Bakunashon kontra grip

Tin bakunashon kontra grip. Ku bakunashon, kurpa di hende ta traha antikurpa kontra e vírùs di grip. Esei ta pone ku e chèns pa haña grip ta bira ménos. Si despues di e angua tòg bo haña grip, bo ta bira ménos malu i e chèns pa konsekuensia grave ta mas chikitu. Si bo tin grip kaba, e ora ei e bakunashon no ta yuda mas na e momentu ei.

E angua di grip ta protehá solamente kontra e vírùs di grip. Pues personanan ku haña e angua di grip, no ta protehá kontra otro vírùs, manera e vírùs ku ta duna fèrkout òf e vírus di corona.

Mi ta bin na remarke pa un angua kontra grip?

Hendenan den e gruponan di riesgo por haña e angua di grip gratuitamente serka nan dòkter di kas. Personanan ku ta traha den kuido tambe ta bin na remarke pa e angua di grip grátis.

Ki ora mi ta haña e angua kontra grip?

Ta haña e grip prinsipalmente entre desèmber i mart. Despues ku bo a pasa e angua di grip, ta dura 2 siman promé ku bo kurpa traha sufisiente supstansia pa protehá bo kurpa. P’esei ta mihó kos pa pasa e angua di grip entre medio òktober i fin di novèmber. E antikurpanan ku bo kurpa ta traha despues di e angua di grip, mayoria biaha ta protehá bo mas o ménos mei aña. P’esei ta konsehabel pa kada aña di nobo pasa e angua di grip.

Protehá bo mes kontra grip. Tuma kontakto ku bo dòkter di kas.