Akuerdo di Bibienda Boneiru

Meta di e proyecto

Meta di e Akuerdo di Bibienda Boneiru (Woondeal Bonaire) ta pa duna mas habitante akseso na un bibienda adekuá i pagabel. Te ku aña 2030 mester realisá mas òf ménos 2100 bibienda pagabel.

E bibiendanan ta intenshoná prinsipalmente pa kasnan di famia ku un entrada abou òf  mediano. Ta trata di bibienda sosial, bibienda pagabel pa hür i bibienda pagabel pa kumpra.

Na momentu di desaroyo di esaki no ta wak solamente e bibiendanan. Kaminda, desagwe, fasilidat di energia, vegetashon i otro fasilidatnan tambe ta importante. Di e manera akí ta surgi barionan residensial kompleto, seif i habitabel.

Pa mas informashon: https://bonairewoondeal.com/.

Resultadonan deseá

• Mas bibienda sosial i pagabel pa hür 0 Den ehekushon
• Mas bibienda pagabel pa kumpra 0 Den ehekushon
• Tempu di espera mas kòrtiku pa hende ku ta buskando bibienda 0 Den ehekushon
• Mas chèns pa un bibienda pa habitantenan ku un entrada abou òf mediano 0 Den ehekushon
• Bibienda sostenibel i ekonómiko pa loke ta trata energia 0 Den ehekushon
• Barionan residensial seif, ku hopi vegetashon i bon alkansabel 0 Den ehekushon
• Konstrukshon di bibienda ku ta tene kuenta ku naturalesa i paisahe di Boneiru. 0 Den ehekushon

Aktividadnan planifiká

• Investigá i prepará sitionan adekuá pa konstrukshon Ehekutá
• Traha plan pa barionan residensial nobo Planifiká
• Konstruí na un manera ku ta ekonómiko pa loke ta trata energia, i kaminda ta posibel teniendo kuenta ku naturalesa (naturalesa-inklusivo) Planifiká
• Konstruí bibienda sosial, bibienda pa hür i bibienda pa kumpra Planifiká
• Konstruí kaminda, kloaka, desagwe i otro infrastruktura Planifiká
• Hasi palabrashon tokante finansiamentu, pèrmit i ehekushon Planifiká
• Atendé ku puntonan problemátiko pa loke ta trata pèrmit, infrastruktura, finansiamentu i ehekushon Planifiká
• Deliberá regularmente tokante e progreso ku e organisashonnan enbolbí Planifiká

Media