Na Boneiru tin regla pa bende, transportá i warda vürwèrk. E reglanan akí ta pa seguridat di tur habitante. Promé ku bo kuminsá, bo mester mèldu semper promé i pidi un pèrmit.
Kiko e produkto òf servisio aki ta nifiká?
Ta permití pa bende vürwèrk solamente for di 27 di desèmber te ku 31 di desèmber di kada aña. Pafó di e periodo akí bo no tin mag di bende vürwèrk. Mester entregá e petishon pa e pèrmit mínimo 6 siman promé ku e periodo akí kuminsá.
Vürwèrk ta un produkto ku por krea lus, zonido i kandela. Tin dos tipo di vürwèrk: vürwèrk pa konsumidó i vürwèrk profeshonal. Pa bende, transportá òf warda vürwèrk tin regla.
Ki ora bo por pidi esaki?
Bo mester kumpli ku e siguiente kondishonnan:
- Bo ta mèldu adelantá pa transportá òf warda vürwèrk.
- Bo ta pidi un pèrmit di APK pa bende vürwèrk.
- Bo ta bende vürwèrk solamente di 27 te ku 31 di desèmber.
- Bo no ta bende vürwèrk na persona bou di 18 aña.
- No ta permití pa huma na lugá kaminda ta bende vürwèrk.
- Bo ta sigui e reglanan di seguridat durante di benta i uso di vürwèrk.
Kon bo por pidi esaki?
Bo ke importá, transportá òf warda vürwèrk? E ora ei bo mester hasi un notifikashon promé na entidat públiko Boneiru. Pa esaki bo ta usa e formulario online.
Bo ke bende vürwèrk? E ora ei bo mester pidi un pèrmit di APK. Sin pèrmit di APK bo no por bende vürwèrk.
Na e petishon bo ta entregá, entre otro, e siguiente dokumentonan:
- prueba di pago na Selibon
- prueba di pago di gastunan atministrativo (leges)
- un plano di e espasio di benta i e espasio di depósito
Solamente ora e petishon ta kompleto, lo trata esaki.
Si ta konstatá ku ta warda vürwèrk na un lugá no aprobá, esaki por kondusí na konsekuensianan penal.
Ku ken bo por tuma kontakto?
Pa pregunta tokante benta di vürwerk bo por tuma kontakto ku:
Departamento di Asuntunan Hurídiko i General (JAZ)
Adrès: Kaya Industria Pariba 28
Telefòn: (+599) 717 5330
E-mail: apk@bonairegov.com
Orario di servisio
Djaluna te ku djabièrnè: 08:00 or – 12:00 or
14:00 or – 16:00 or
Pa pregunta tokante importashon, warda òf transportá di vürwerk bo por tuma kontakto ku:
Direktorado di Supervishon i Mantenshon di Lei (T&H)
Adrès: Kaya Grandi 56-58
Telefòn: (+599) 717 5330
E-mail: ovb_th@bonairegov.com
Orario di servisio
Djaluna te ku djabièrnè: 8:00 - 16:00 or
Kuantu tempu e ta tuma?
Despues di entregá un notifikashon i petishon kompleto, bo lo risibí un reakshon den algun dia di trabou.
Kuantu e ta kosta?
Un pèrmit di APK ta kosta $20,95.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
