Bende riba kaya òf na porta

Bo kier bende kos òf servisio riba kaya òf na porta na Boneiru?
E ora ei bo tin mester di un pèrmit pa bende di entidat públiko Boneiru (EPB).

Kiko e produkto òf servisio aki ta nifiká?

Kiko bo mester tene bon kuenta kuné?

Bo mag bende riba kaya i na porta solamente ku un pèrmit pa bende bálido.
Sin pèrmit bo por haña un but.

Un pèrmit pa bende ta un pèrmit pa bende kos òf servisio, sin lugá di bende fiho.
Durante ku bo ta bende, bo ta move i no ta keda pará na un lugá.

Ehèmpelnan di benta ta:

Benta di kuminda òf bebida
Benta di produkto chikitu
Benta na kas òf riba kaya

Bo no mag bende alkohòl.
Bo mester ta mobil i no mag di pone mes i stul fiho.

Ki ora bo por pidi esaki?

Bo mester kumpli ku e kondishonnan akí:

E pèrmit ta riba nòmber di un solo persona
Benta mester ta inskribí komo meta
Bo entrada no ta mas haltu ku e suèldu mínimo
Bo no ta bende alkohòl
Bo ta tene bo mes na e orarionan stipulá
Bo ta hasi uzo na un manera nèchi i sigur di e espasio públiko
Bo tin un dokumento di identidat bálido huntu ku bo durante benta

Kon bo por pidi esaki?

Asin’aki bo ta pidi un pèrmit pa bende produkto:

Paso 1: Haña informashon
Bo por haña informashon:

online
via Sentro di Kontakto pa Kliente (KCC)
via un sita serka Zalma & Kaina

Paso 2: Paga leges
Promé bo ta paga e gastunan pa e pèrmit.

Paso 3: Kolektá pruebanan
Huntu ku bo petishon bo ta entregá entre otro:

un dokumento di identidat bálido
komprobante di pago di leges
un Deklarashon Tokante Kondukta (VOG), no mas ku 1 aña bieu
un ekstrakto di PIVA
un deklarashon di entrada di e aña fiskal anterior

Bo ta bende ku vehíkulo? E ora ei bo ta entregá tambe:

un kopia di bo reibeweis
foto di e pagadó di kandela ku steker bálido
pòtrèt di bòternan di gas
pòtrèt di e parti paden i parti pafó di e vehíkulo

Paso 4: Yena e formulario di petishon
Bo ta yena e formulario di petishon kompletamente ku:

bo datonan personal
informashon tokante loke bo ta bende
unda bo ta bende
ki momentu i kuant’or bo ta bende

No ta trata petishonnan ku no ta yená kompletamente.

Ku ken bo por tuma kontakto?

Direktorado di Planifikashon i Desaroyo (R&O)
Adrès: Kaya Amsterdam s/n
Telefòn: (+599) 715 5330
E-mail: directie_ro@bonairegov.com

Orario di servisio
Djaluna te ku djabièrnè: 8:00 - 16:00 or

Kuantu tempu e ta tuma?

Tratamentu di bo petishon ta dura máksimo 6 siman.

Kuantu e ta kosta?

E pèrmit pa bende kosta pa:

Benta sin vehíkulo $8,40.
Benta ku vehíkulo $25,15.
Un lugá di para fiho $20,95.

Bo no ta di akuerdo ku e desishon?

Bo no ta di akuerdo ku e desishon?
E ora ei bo por hasi opheshon. Den e desishon tin pará kon i denter di ki término por hasi esaki.
Despues di opheshon, si ta nesesario, bo por apelá na korte.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.