Pèrmit pa wega di plaka

Bo ke ofresé wega di suèrtè na Boneiru? E ora ei bo mester di un pèrmit pa wega di plaka. Ku e pèrmit akí, gobièrnu ta pèrkurá pa hungamentu di wega di plaka seif i hustu. Pa weganan di suèrtè chikitu bo no mester di pèrmit. Bo mester notifiká esakinan si na Entidat Públiko Boneiru.

Kiko e produkto òf servisio aki ta nifiká?

Kiko bo mester tene bon kuenta kuné?

Bo por ofresé wega di suèrtè solamente ku un pèrmit bálido pa wega di plaka. Sin pèrmit, wega di plaka ta prohibí i kastigabel.

Un pèrmit pa wega di plaka ta un outorisashon ofisial di Entidat Públiko Boneiru. Ku e pèrmit akí, bo por ofresé wega di suèrtè.

Na Boneiru tin vários forma di wega di suèrtè, manera:

kasino na hotèl
pustamentu deportivo
loteria
weganan di suèrtè chikitu manera bingo i bonkuné

Esnan ku ta ofresé loteria na eskala chikitu tambe mester di pèrmit òf notifikashon. E pèrmit ta personal i no tin mag di pasa esaki pa otro hende.

Impuesto pa pèrmit pa wega di plaka
Esun ku tin pèrmit pa kasino, mester deklará e impuesto pa pèrmit pa wega di plaka kada tres (3) luna.
Esaki ta 1,5% di e montante bruto di entrada.
Bo ta paga e montante aki pa mas tardá dia 15 di luna despues di kada tres (3) luna.
Bo ta manda e deklarashon i e prueba di pago ku imeil.

Ki ora bo por pidi esaki?

Pa haña un pèrmit pa wega di plaka, entre otro bo mester:

tene bo mes na e reglanan pa wega di suèrtè
pèrkurá ku ta hunga plaka di manera hustu i seif
tuma medida kontra adikshon na wega di plaka
prevení kriminalidat manera froude i labamentu di plaka

Kasinonan por ofresé wega di suèrtè solamente den espasionan spesial na hotèl.

Kon bo por pidi esaki?

Bo ta pidi e pèrmit pa wega di plaka na Entidat Públiko Boneiru.
Gobièrnu ta studia bo petishon i kontrolá si bo ta kumpli ku tur regla.
Despues di aprobashon, bo ta risibí e pèrmit i bo por kuminsá ofresé wega di suèrtè.

Kuantu tempu e ta tuma?

Tratamentu di bo petishon por dura algun siman. Esaki ta dependé si bo petishon ta kompleto.

Bo no ta di akuerdo ku e desishon?

Bo no ta di akuerdo ku un desishon? E ora ei bo por hasi un opheshon.
Den e desishon ta indiká kon i dentro di ki término bo por hasi esaki.
Despues di opheshon si ta nesesario, bo por apelá.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.