Derecho di pèrmit di wega di zara ta un impuesto pa operador di kasino òf otro lugá ku tin pèrmit pa ofresé wega di azar.
Kiko e produkto òf servisio aki ta nifiká?
Ta kalkulá derecho di pèrmit di wega di azar a base di entrada bruto generá pa wega di azar. Pa mashin ku tin un asina yamá billacceptor ta konsideráve asina yamá bill drop komo entrada bruto.
Bo mester:
- yena papel di impuesto kada kuartal;
- entregá e deklarashon pa mas tardá riba e di 15 dia despues ku e kuartal a pasa.
- paga e suma ku bo debe pa mas tardá riba e mesun fecha.
Ki ora bo por pidi esaki?
Bo ta obligá pa paga impuesto si bo tin un pèrmit pa eksplotashon di un kasino òf otro lugá kaminda ta ofresé wega di azar.
Kon bo por pidi esaki?
Entidat Públiko Boneiru ta entregá tur aña kuater formulario di impuesto.
Bo por manda manda e formulario di impuesto i muestra di pago via mail pa olb@bonairegov.com.
Bo no a risibí un formulario? Pidi un formulario e ora ei denter di 60 dia despues ku e kuartal a pasa.
Kuantu e ta kosta?
E derecho di pèrmit pa wega di azar ta 1,5% di entrada bruto generá ku wega di azar.
Ehèmpel:
Pa un entrada bruto di USD 100.000 e derecho di pèrmit pa wega di azar ta USD 1.500.
