Bo ke organisá un wega di bingo na Boneiru? Un wega di bingo ta un wega di azar chikí. Bo mester notifiká e Entidat Públiko Boneiru di esaki promé ku bo kuminsá.
Kiko e produkto òf servisio aki ta nifiká?
Wega di bingo ta un wega di azar chikí. Partisipantenan ta kumpra un karchi i tin chèns di gana un premio. E premionan no tin un balor haltu. Por organisá wega di bingo solamente segun reglanan fiho.
Ki ora bo por pidi esaki?
Bo por organisá un wega di bingo solamente si:
- e paketenan di premio ta di un máksimo di $400,- pa kada ròndu;
- e pakete total di premio ta di un máksimo di $1.550,- pa kada aktividat;
- tin solamente un wega di azar tumando lugá na e mes momento na e mes adrès.
Kon bo por pidi esaki?
Bo mester notifiká e Departamento di Asuntunan Hurídiko i General (JAZ) na tempu tokante e wega di bingo.
Bo mester hasi esaki por lo ménos 2 siman promé ku e fecha di e aktividat.
Den bo notifikashon bo mester duna e siguiente informashon:
- ki sorto di wega e ta;
- kiko bo ta hasi ku e sèn;
- kuantu partisipante bo ta spera;
- kon haltu e suma di premio ta;
- kiko ta e balor di kada premio;
- e fecha, ora i lugá di e wega di bingo.
Ku ken bo por tuma kontakto?
Departamento di Asuntunan Hurídiko i General (JAZ)
Adrès: Kaya Industria Pariba 28
Telefòn: (+599) 717 5330
E-mail: apk@bonairegov.com
Orario di servisio
Djaluna te ku djabièrnè: 08:00 or – 12:00 or
14:00 or – 16:00 or
Kuantu tempu e ta tuma?
Bo mester hasi notifikashon di e wega di bingo por lo ménos 2 siman promé ku e fecha di e aktividat.
Kuantu e ta kosta?
Hasi notifikashon di un wega di bingo ta grátis.
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
