Amplia bo pèrmit di establesimentu

Na Boneiru bo mester tin un pèrmit di establesimentu pa por manehá un negoshi. Si bo ke amplia bo negoshi, bo ta pidi pa amplia bo pèrmit di establesimentu na entidat públiko Boneiru.

Kiko e produkto òf servisio aki ta nifiká?

Kiko bo mester tene bon kuenta kuné?

Bo ke amplia bo negoshi eksistente òf agregá aktividatnan èkstra? E ora ei, den mayoria kaso, bo tin mester di un ekstenshon di bo pèrmit di establesimentu.

Amplia un pèrmit di establesimentu ta nifiká ku bo ta adaptá bo pèrmit eksistente pa bo por ehekutá mas aktividatnan, usa un lokalidat komersial mas grandi òf habri sukursalnan adishonal.

Ki ora bo por pidi esaki?

Bo mester kumpli ku e siguiente kondishonnan:

Bo tin un pèrmit di establesimentu bálido;
Bo ta indiká klaramente kiko bo ke amplia den bo negoshi;
Bo ta entrega tur e dokumentonan pidí;
E ekspanshon no ta bai kontra di interes general;
Bo lokalidat i bo plannan ta kumpli ku e reglanan vigente.

Kon bo por pidi esaki?

Bo ta apliká pa amplia bo pèrmit na entidat públiko di Boneiru.
Pa esaki, bo ta yena e formulario di aplikashon kompletamente i agregá tur e dokumentonan pidí.

Ta kontrolá e petishon promé, pa wak si esaki ta kompletu. Si e petishon no ta kompletu, lo duna bo e oportunidat pa kompletá òf kambia esaki. Despues di esaki, bestuurscollege ta evaluá si por amplia e pèrmit.

Ku ken bo por tuma kontakto?

Direktorado di Planifikashon i Desaroyo (R&O)
Adrès: Kaya Amsterdam s/n
Telefòn: (+599) 715 5330
E-mail: directie_ro@bonairegov.com

Orario di servisio
Djaluna te ku djabièrnè: 8:00 - 16:00 or

Kuantu tempu e ta tuma?

Despues di entregá un aplikashon kompleto, bo ta risibí un kontesta dentro di algun siman.

Bo no ta di akuerdo ku e desishon?

Bo no ta di akuerdo ku un desishon? E ora ei bo por apelá e desishon. Den e karta ku bo a risibí ta indiká kon i den kuantu tempu bo por hasi esaki.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.