Modifiká un pèrmit di establesimentu

Bo tin un pèrmit di establesimentu kaba i tin algun kambio den bo negoshi? E ora ei bo mester reportá e kambio akí na entidat públiko Boneiru. Asina bo pèrmit ta keda bálido.

Kiko e produkto òf servisio aki ta nifiká?

Kiko bo mester tene bon kuenta kuné?

Tin algun kambio den bo negoshi? Bo mester reportá esaki. Den mayoria kaso bo mester laga modifiká bo pèrmit di establesimentu promé ku bo por sigui.

Modifiká un pèrmit di establesimentu ta nifiká adaptá un pèrmit ku ya ta eksistí. Esaki ta nesesario ora tin un kambio den bo negoshi, manera e aktividatnan, e lokalidat òf e nòmber di e negoshi.

Ki ora bo por pidi esaki?

Bo mester kumpli ku e siguiente kondishonnan:

Bo tin un pèrmit di establesimentu ku ta bálido.
Bo ta indiká klaramente kiko ta kambia den bo negoshi.
Bo ta entregá tur e dokumentonan pidí.
E kambio no ta bai kontra di interes general.

Kon bo por pidi esaki?

Bo ta pidi un modifikashon di bo pèrmit di establesimentu na entidat públiko Boneiru.
Bo ta yena e formulario di aplikashon kompletamente i agregá tur e dokumentonan pidí.

Ta kontrolá e petishon promé, pa wak si esaki ta kompletu. Si e petishon no ta kompletu, lo duna bo e oportunidat pa kompletá òf kambia esaki. Despues di esaki, ta evaluá e petishon.

Ku ken bo por tuma kontakto?

Direktorado di Planifikashon i Desaroyo (R&O)
Adrès: Kaya Amsterdam s/n
Telefòn: (+599) 715 5330
E-mail: directie_ro@bonairegov.com

Orario di servisio
Djaluna te ku djabièrnè: 8:00 - 16:00 or

Kuantu tempu e ta tuma?

Despues di entregá un aplikashon kompleto, bo ta risibí un kontesta dentro di algun siman.

Bo no ta di akuerdo ku e desishon?

Bo no ta di akuerdo ku un desishon? E ora ei bo por apelá e desishon serka entidat públiko Boneiru. Den e karta ku bo a risibí ta indiká kon i den kuantu tempu bo por hasi esaki.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.