Plachi di number

E departamentu no por trata e formulario si no ta menshoná numbernan di CRIB.

Benta di outo, motosaikel òf skuter i plachi di number 

• Yena e formulario pa traspaso di por ehèmpel e outo i e plachi di number.
• E bendedó i e kumpradó mester firma e formulario.
• Por yena e formulario na departamentu di Finansa.
• Ta importante ku e number di CRIB di e bendedó i e kumpradó ta riba e formulario. Si e kumpradó no tin un number di Crib ainda, e mester pidi esei na Belastingdienst CN.

E dokumentonan akí bo mester ora di kompra/benta 

• Sédula doño nobo
• Sédula doño bieu
• Pa empresa: ekstrakto di KdK (no mas bieu ku 3 luna)
• Si ta nesesario: formulario di outorisashon i kopia di sédula di doño di plachi di number (wak pólisa) 

Plachi di number nobo 

1. Sera un seguro 

Sera un seguro na un kompania di seguro. Bo ta haña number di e plachi di number i un number di pólisa.

2. Paga e plachi di number i Impuesto di Vehíkulo Motorisá 

Paga e plachi di number i Impuesto di Vehíkulo Motorisá na Belastingdienst Caribisch Nederland (BCN).

E montante ku bo mester paga ta dependé di e momentu ku bo pidi e plachi di number. Promé ku 1 di aprel bo por skohe si bo ta paga henter e montante den ún biaha òf den dos término.

Si bo no tin un number di CRIB, bo mester buska esei na BCN. Bo mester di e number di CRIB ora bo ta bai e departamentu di Finansa.

3. Entregá dokumentonan na e departamentu di Finansa 

Bo ta pasa na e departamentu di Finansa ku e siguiente dokumentonan:

• E formulario yená pa pidi un plachi di number nobo
• Prueba ku e vehíkulo a sigurá
• Prueba di pago di Impuesto di Vehíkulo Motorisá i plachi di number
• Si e plachi di number ta pa un kompania: ekstrakto di Kámara di Komèrsio, no mas bieu ku seis luna
• Si bo ta outorisá pa buska e plachi di number pa un otro hende, e formulario ku bo ta outorisá pa hasi esei i kopia di e sédula di doño di e plachi di number 

Ora ta debolbé plachi di number 

• Bo tin ku yena un formulario kompletamente yená i firmá.
• Bo por yena e formulario na departamentu di Finansa. 

E dokumentonan akí bo mester ora bo ta entregá bo plachi di number 

• Deklarashon di kanselashon (si tin esaki)
• Sédula
• Pa kompania: ekstrakto di KdK no mas bieu ku 6 luna
• Si ta nesesario: formulario di outorisashon i kopia di sédula di doño di e plachi di number (wak pólisa)
• Un prosèsverbal si a hòrta bo plachi di number òf si bo a pèrdè esaki 

Plachi di number hòrtá òf pèrdí 

Si a hòrta bo plachi di number òf si bo a pèrdè e plachi, bo mester informá departamentu di Finansa di esaki. Bo por usa e formulario pa debolbé plachi di number pa esei.

Si bo tin solamente ún plachi di number, bo mester debolbé esaki.

Despues bo por pidi un number nobo na e kompania di seguro. E promé dia di e siguiente kuartal ta bo fecha di registrashon nobo pa e plachi. Pues bo no mester paga impuesto pa e kuartal den kua a hòrta òf pèrdè e plachi.

Paga tinu! Den kaso ku pèrdè e plachi, ta kita e obligashon di paga belasten solamente ora a paga tur papel di belasten relashoná ku impuesto di vehíkulo motorisá.

Bo a bende bo outo, motosaikel òf skuter i bo no tin mester mas di e plachi di number?

E ora ei bo mester debolbé bo number/plachi di number na departamentu di Finansa. Si bo no hasi esei, bo mester sigui paga e impuesto di vehíkulo motorisá.

Den tur otro kaso ku bo no mester di plachi di number, bo por entregá e plachinan na departamentu di Finansa di EPB.

Ora bende un vehíkulo motorisá segundo mano ku plachi di number, bendedó i kumpradó mester pasa e plachi di number riba nòmber di kumpradó.

Un plachi di number nobo ta kosta $8,40.

Si bo a paga kaba pa e plachi di number bieu, ta debolbé bo e montante.