Opheshon kontra impuesto vehíkulo motorisá

Bo a haña un karta tokante impuesto pa outo i motosaikel i bo no ta di akuerdo ku e montante akí? E ora ei bo por laga Entidat Públiko Boneiru sa di esaki. Esaki yama hasi opheshon kontra impuesto di vehíkulo motorisá.
Riba e página akí, bo ta lesa kon hasi esaki.

Kiko e produkto òf servisio aki ta nifiká?

Kiko bo mester tene bon kuenta kuné?

Bo mester reakshoná dentro di 2 luna despues di e fecha ku ta riba e karta.
Si bo reakshoná despues di esaki, e ora ei Entidat Públiko no por yuda bo mas.

Impuesto di vehíkulo motorisá (MRB) ta sèn ku bo ta paga pa un vehíkulo, manera un outo, motosaikel òf skuter.
E montante ta riba e karta ku bo ta risibí.

Bo no ta di akuerdo ku e karta?
Por ehèmpel pasobra e informashonnan no ta klòp òf pasobra bo ta haña ku bo no mester paga?
E ora ei bo por manda un karta òf imeil.

Ki ora bo por pidi esaki?

Bo por reakshoná den e situashonnan akí:

• Bo a bende bo vehíkulo i e plachi di number a bai ku esaki.
Inkluí: kopia di un prueba di identidat bálido di tur dos persona i e akuerdo di kompra.

• Bo a entregá bo plachi di number, pero tòg a risibí un papel di belasten.
Inkluí: kopia di bo prueba di identidat i kopia di e formulario di Finansa ku stèmpel.

• A hòrta bo plachi di number òf bo a pèrdè esaki.
Inkluí: kopia di bo prueba di identidat i rapòrt di polis.

• Bo vehíkulo ta usa un otro tipo di kombustibel ku tin riba e papel di belasten.
Inkluí: kopia di bo prueba di identidat i un prueba di e tipo di kombustibel korekto.

• Bo a paga kaba, pero tòg a haña un rekordatorio.
Inkluí: kopia di bo prueba di identidat i un prueba di pago.

• Nunka e plachi di number no tabata di bo.
Inkluí: kopia di bo prueba di identidat.

• No ta usa e plachi di number, por ehèmpel pa motibu ku e vehíkulo ta dañá òf a konfiská esaki.
Inkluí: kopia di bo prueba di identidat, un prueba di e situashon i un prueba ku a para e seguro.

Kon bo por pidi esaki?

Asina aki bo ta laga sa ku bo no ta di akuerdo ku e papel di belasten:

• Bo por hasi esaki online via e lenk indiká.
• Bo por skirbi un karta tambe.
Esaki bo por entregá na bali òf meil na belasting-olb@bonairegov.com.

Den bo karta òf imeil, pone:

bo nòmber
bo adrès kompleto
bo number di CRIB
number di e papel di belasten
e referensia di pago
number di e plachi di number
e fecha ku tin riba e papel di belasten
e fecha ku bo ta skirbi e karta
un splikashon kla dikon bo no ta di akuerdo ku e papel di belasten
kopia di e papel di belasten
un ekstrakto di Kámara di Komèrsio (nos mas bieu ku 6 luna), si esaki ta apliká
dokumentonan ku ta sostené bo splikashon

Bo ta skirbi pa un otro hende?
Manda e ora ei un karta den kua ta pone ku bo por hasi esaki pa e persona ei.

Ku ken bo por tuma kontakto?

Departamento di Finansa
Adrès: Kaya Industria Pariba 28
Telefòn: (+599) 715 5330
E-mail: belasting-olb@bonairegov.com

Orario di servisio
Djaluna te ku djabièrnè: 08:00 or – 11:45 or
14:00 or – 16:00 or

Kuantu tempu e ta tuma?

Bo ta haña un reakshon mas rápido posibel.
Kuantu esaki ta dura, ta dependé di bo situashon i si bo a manda tur informashon.

Bo no ta di akuerdo ku e desishon?

Bo no ta di akuerdo ku e kontesta ku bo ta haña?
E ora ei dentro di 2 luna bo por bai hues.
E karta ku bo haña ta splika kon bo por hasi esei.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.