Impuesto di Vehíkulo Motorisá (MRB)

Si a bende vehíkulo motorisá: Te ki tempu bendedó mester paga impuesto di vehíkulo motorisá?

Bendedó mester paga impuesto te ku e kuartal den kua a pasa plachi ku number, e outo, motosaikel òf skuter pa e doño nobo. (ku number di plachi i a  pasa ofisialmente pa EPB na departamento di Finansa). 

Ehèmpel:
A bende e outo na mei. E bendedó mester paga impuesto te ku e di dos kuartal. 

For di ki ora kumpradó mester paga impuesto? 

Kumpradó mester paga impuesto despues dje kuartal den kua a pasa e outo i plachi di number p’ e. 

Ehèmpel:
Kumpradó a kumpra e outo na mei. Bo ta paga impuesto entrante di tres kuartal. 

Registrashon nobo pa MRB

• Yená formulario di ‘Registrashon nobo’ i formulario di ‘Deklarashon di tipo di kombustibel’
• Entregá e formularionan na departamento di Finansa.

Bai ku e dokumentonan akí ora di registrá:

Pa empresa:

• Kopia di inskripshon na Kámara di Komersio (KvK) – no mas bieu ku 3 luna.
• Kopia di komprobante di seguro.
• Komprobante di pago di MRB.
• Kopia di ID di e persona ku ta bai registrá  i kopia di ID di direktor.
• Deklarashon di CRIB ora di buska e promé plachi di number di outo 

Pa persona privá:

• Kopia di ID di e persona ku ta bai registrá.
• Komprobante di pago di MRB.
• Kopia di komprobante di seguro.
• Deklarashon di CRIB ora di buska e promé plachi ku number di outo. 

Paga Impuesto di vehíkulo Motorisá (MRB) ònlain 

Number di kuenta di Servisio di Impuesto di Hulanda Karibense:

Dato pa pone ku  pago di outo ku ta usa gasolin: NUMBER DI CRIB/01B26NUMBER DI PLACHI DI OUTO 
Dato pa pone ku pago di outo ku ta usa disel: NUMBER DI CRIB//01D26NUMBER DI PLACHI DI 
Dato pa pone ku pago di skuter: NUMBER DI CRIB/01A26NUMBER DI PLACHI DI SKUTER 

Bo por paga gastu di plachi di number i impuesto di vehíkulo motorisá MRB tambe, via transferensia bankario òf kèsh na FXDC (pòstkantor). Menshoná kla dato di pago òf number di CRIB, nòmber i number di plachi di outo.  

Departamento di Finansa
Adrès: Kaya Industria Pariba 28

Orario di servisio
Djaluna te ku djabièrnè: 08:00 or  – 11:45 or
                                           14:00 or  – 16:00 or