Bo ta mira kuminda den un tienda ku a pasa fecha? Òf despues di habri e produkto na kas bo ta nota ku e ta yen di beskein? E ora ei bo por mèldu na entidat públiko Boneiru. Asina bo ta yuda pa mantené e kuminda den tienda sigur pa tur hende.
Kiko e produkto òf servisio aki ta nifiká?
No por bende kuminda ku tin un fecha di vensementu, despues di e fecha akí. Esaki por ta un riesgo pa bo salú.
Ku un notifikashon tokante e benta di kuminda ku a kaduká, bo ta indiká ku tin algu robes ku e kuminda ku ta na benta.
Por ehèmpel:
- E holó òf smak di e produkto no ta bon.
- Tin algu den e produkto ku no mester ta aden.
- E fecha di vensementu di e produkto a pasa kaba.
- E kuminda ta resultá di tin beskein despues ku bo a habrié.
Pa kuminda den tienda tin dos sorto di fecha.
Por warda algun produkto pa largu tempu. E produktonan akí tin un fecha ku ta indiká te ki dia por konsumí nan (tenminste houdbaar tot – THT). E fecha akí ta indiká te na ki momento e produktor ta responsabel pa e produkto. Despues di e fecha akí e bendedó ta responsabel.
Otro produktonan por keda wardá pa un temporada kòrtiku pasobra nan ta daña lihé. E produktonan aki tin un fecha ku ta indiká te ki dia por usa nan (te gebruiken tot – TGT). No mag di bende e produktonan akí despues di e fecha akí. E departamento ta kontrolá den tienda i otro negoshinan ku ta bende kuminda i bebida.
Hasiendo un notifikashon, bo no ta solamente yuda bo mes, pero tambe otro habitantenan di Boneiru.
Kon bo por pidi esaki?
Bo ke mèldu kuminda ku a kaduká? E ora ei bo por tuma kontakto ku Direktorado di Supervishon i Mantenshon di lei.
Esaki por via:
- E-mail:bisami_th@bonairegov.com
- Telefòn: +599 715 5300
Duna den bo notifikashon informashon mas kla posibel tokante:
- di kua produkto ta trata
- na unda bo a kumpra e produkto
- kiko no ta bon ku e produkto
Direktorado di Supervishon i Mantenshon di lei lo wak bo notifikashon i por ehekutá un kontrol.
Ku ken bo por tuma kontakto?
Direktorado di Supervishon i Mantenshon di Lei (T&H)
Adrès: Kaya Grandi 56-58
Telefòn: (+599) 715 5330
E-mail: directie_ro@bonairegov.com
Orario di servisio
Djaluna te ku djabièrnè: 8:00 - 16:00 or
Kiko nos ta hasi ku bo datonan personal?
Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.
Den e Lei Protekshon di dato personal BES tin skirbí kon Entidat Públiko Boneiru mester hasi esaki.
E reglanan mas prinsipal ta :
- Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
- Nan ta registrá i prosesá bo datonan di forma seif, konfidenshal i kouteloso.
- Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
- No ta warda bo datonan mas largu di loke ta nesesario pa e petishon òf loke bo a mèldu.
- Otro organisashon ta haña bo datonan solamente si esei mester segun lei.
- Bo por puntra pa kua fin ta usa bo datonan i kiko ta hasi ku nan.
