Aplikashon pa supsidio pa aktividat

Bo kier organisá un aktividat ku ta kontribuí na komunidat na Boneiru? E ora ei posiblemente bo por pidi supsidio na entidat públiko Boneiru (OLB).
Ofisina di Supsidio di direktorado Komunidat i Kuido ta atendé tur petishon pa supsidio. E ofisina ta kontrolá petishonnan, ta guia e proseso i ta garantisá un evaluashon hustu i kouteloso.

Kiko e produkto òf servisio aki ta nifiká?

Kiko bo mester tene bon kuenta kuné?

Entregá bo petishon pa supsidio no mas tardá ku 1 di aprel.
Pèrkurá pa añadí tur dokumento rekerí.
Den kaso di un petishon in kompleto, ta duna bo un bia so oportunidat pa kompletá e petishon denter di 14 dia.

Ofisina di Supsidio di OLB ta responsabel pa prosesamentu di petishonnan pa supsidio.

E ofisina:

Ta risibí i registrá petishonnan pa supsidio
Ta kontrolá si e petishon ta kompleto
Ta evaluá si e petishon ta kumpli ku e reglanan pa supsidio
Ta vigilá e fechanan límite di e proseso di supsidio
Ta garantisá atministrashon korekto di e supsidio

Ofisina di Supsidio ta koordiná e proseso for di petishon te ku stipulashon definitivo di e supsidio.
E ofisina ta e promé punto di kontakto tambe pa pregunta tokante e prosedura di supsidio, responsabilisashon i stipulashon di supsidio.

Ki ora bo por pidi esaki?

Bo por pidi supsidio si:

Bo ta un organisashon, òf den sierto kasonan un persona (persona natural)
Bo aktividatnan ta kontribuí na metanan sosial na Boneiru
E aktividatnan ta kuadra den e maneho di direktorado Komunidat i Kuido

Ademas e petishon mester:

Ta entregá na tempu
Ta kompleto
Kumpli ku e reglanan di e areglo di supsidio vigente

Kon bo por pidi esaki?

Pa pidi supsidio bo mester sigui e siguiente pasonan:

Entrega di e petishon
Bo mester entregá bp petishon pa supsidio pa mas tardá promé ku 1 di aprel.
Añadí tur dokumento rekerí, manera plan di aktividat i presupuesto.
Evaluashon ofishal
Evaluashon supstansial
Un konsehero di maneho ta evaluá si e aktividatnan ta kuadra ku maneho i meta di direktorado Komunidat i Kuido.
Desishon
Bo ta risibí pa mas tardá 1 di yüli notifikashon si a konsedé òf rechasá e supsidio provishonalmente.
Kontrakt di kuido
Den kaso di un konseshon provishonal, ta stipulá palabrashonnan den un kontrakt di kuido.
Ta firma e kontrakt akí pa mas tardá 31 di desèmber di e aña promé ku e aña di supsidio.
Responsabilisashon
Despues ku e aktividatnan finalisá, bo mester demostrá kon a gasta e plaka.
Pa esaki bo mester entregá un relato supstansial i un responsabilisashon finansiero.
Stipulashon definitivo
Despues di evaluashon di e responsabilisashon, OLB ta stipulá e supsidio definitivamente.

Kolekshon di dokumento
Promé ku bo por entregá un petishon pa supsidio, bo tin mester di e siguiente dokumentonan:

Ekstrakto di Kámara di Komersio (KvK) no mas ku 6 luna bieu
Statutonan di e fundashon
Presupuesto di e próksimo aña kalendario
Programa di trabou/plan di aktividat pa e próksimo aña kalendario
Bista general di personal, inkluyendo kantidat di boluntario
Relato anual di e aña anterior
Relato finansiero di e aña anterior

Ofisina di Supsidio ta kontrolá:

Si a entregá e petishon na tempu
Si tur dokumento ta kompleto

E petishon no ta kompleto?
E ora ei bo ta haña un bia so 14 dia pa kompletá e petishon.

Ku ken bo por tuma kontakto?

Bo tin pregunta tokante e prosedura di supsidio?
Tuma e ora ei kontakto ku Ofisina di Supsidio di entidat públiko Boneiru.

Kuantu tempu e ta tuma?

Entregá petishon: promé ku 1 di aprel
Kompletá un petishon inkompletu: denter di 14 dia
Desishon riba e supsidio: pa mas lat ku 1 di yüli

Kuantu e ta kosta?

Aplikashon pa supsidio ta grátis.

Bo no ta di akuerdo ku e desishon?

Bo ta di akuerdo ku un desishon tokante bo supsidio?
E ora ei bo por hasi opheshon segun e proseduranan di entidat públiko Boneiru.

Den e karta ku e desishon tin pará kon bo por hasi opheshon i denter di ki término.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.