![[Translate to Papiamentu:]](/fileadmin/_processed_/6/8/csm_papers_02c9e270b3.jpg "[Translate to Papiamentu:]")
Tin biaha bo mester di un garantia òf duna hospedahe partikular pa un bishita for di eksterior. Bo ta pidi esaki na departamento di Asuntunan Sivil.
Kiko e produkto òf servisio aki ta nifiká?
Si bo tin un pareha, tantu abo komo bo pareha mester firma e deklarashon di garantia.
Si bo ta risibí bishita for di eksterior, kisas bo bishitante tin mester di un hende pa para garantia p’e òf pa dun’é un hospedahe partikular. Por ehèmpel, pa pidi un visa.
Para garantia ta nifiká ku abo i e bishitante ta responsabel pa e kostonan. Asina bo bishitante no por hañ’é ku problema si e no por paga e gastunan di un estadia (mas). Por ehèmpel si bo bishitante no por yega mas na su sèn. Bo bishitante for di eksterior ta keda na bo kas? Ku e deklarashon di hospedahe personal e por laga mustra na kontròl fronteriso na unda e ta alohá na Boneiru.
Bo bishitante tin mester di un visa? E ora ei abo mester firma e deklarashon di garantia na e departamentu di Registro Sivil . Asina bo ta laga legalisá bo firma. Esaki ta nifiká ku bo ta proba ku e firma riba e formulario ta berdaderamente di abo.
Ki ora bo por pidi esaki?
Esaki ta e kondishonnan pa para garantia:
- Bo ta registrá na e departamento di Registro Sivil.
- Si bo tin un pareha, e tambe mester firma e deklarashon di garantia.
Kon bo por pidi esaki?
Asina bo ta pidi pa para garantia:
- Bo ta bai departamento di Registro Sivil.
- Bo ta trese:
- bo dokumento di identidat bálido;
- kopia di pasport di e persona ku bo ta invitá;
- un formulario di petishondi IND yená ku bo a laga firma na Registro Sivil (pa legalisashon), òf
- e formulario ku e departamento di Registro Sivil tin disponibel.
- Bo ta paga e garantia na momentu di hasi e petishon.
Kuantu e ta kosta?
E deklarashon di para garantia pa bishita for di eksterior ta kost $26,54.
Ki lei i regla ta konta aki?
Unda bo por haña mas informashon?
