Hasi fima ofisial

Bo mester proba ku bo firma riba un dokumento ta realmente di bo? E ora ei bo por hasi esaki ofisialmente na departamento di Registro Sivil. Esaki yama legalisashon di firma.

Kiko e produkto òf servisio aki ta nifiká?

Kiko bo mester tene bon kuenta kuné?

Hasi e firma ofisial ta solamente proba ku bo firma ta realmente di bo. E no ta bisa nada tokante e kontenido di e dokumento.

Na departamento di Asuntunan Sivil bo ta firma e dokumento den presensia di un empleado. E empleado ta wak bo dokumento di identifikashon i ta kontrolá si e firma ta kuadra. Si esaki ta korekto, bo dokumento lo haña un stèmpel. Ku esaki bo ta hasi bo firma ofisial. Gezaghebber ta deklará e ora ei ku e firma riba e dokumento ta realmente di bo.

Ki ora bo por pidi esaki?

Trese e siguiente dokumentonan na bo sita:

E dokumento ku bo ke firma.
Bo dokumento di identifikashon (pasport, sédula òf reibeweis).

Kon bo por pidi esaki?

Bo ta hasi un sita online.
Bo ta bai na momentu di bo sita na Registro Sivil ku bo dokumento di identidat i e dokumento.
Firma e dokumento den presensia di un empleado.
E empleado ta kontrolá si e firma riba e dokumento ta meskos ku e firma riba bo dokumento di identidat.
Si e firmanan ta meskos, e dokumento lo haña un stèmpel.

Ku ken bo por tuma kontakto?

Departamento di Asuntunan Sivil
Adrès: Kaya Neerlandia 40
Telefòn: (+599) 715 5330
E-mail: info@bonairegov.com

Orario di servisio:
Djaluna te ku djaweps: 08:00 - 15:00 or
Djabièrnè: será

Kuantu tempu e ta tuma?

Ta hasi bo firma ofisial mesora miéntras bo ta warda.

Kuantu e ta kosta?

Hasi bo firma ofisial ta kosta $4,20.

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.