![[Translate to Papiamentu:]](/fileadmin/_processed_/6/9/csm_20260611_102646_473f2d1205.jpg "[Translate to Papiamentu:]")
Bo ta hasi petishon pa un karchi di reibeweis personalmente na departamento di Registro Sivil. Shete dia di trabou despues ku bo a pasa bo eksámen práktiko, bo por laga traha bo karchi di reibeweis. E karchi aki ta kla miéntras bo ta warda.
Kiko e produkto òf servisio aki ta nifiká?
Ku un reibeweis bo ta mustra ku bo ta outorisá pa kore un vehíkulo di motor. Kada tipo di vehíkulo tin su propio kategoria di reibeweis. Riba bo karchi di reibeweis ta indiká kua kategorianan di vehíkulo bo ta outorisá pa kore.
Mayoria biaha un karchi nobo di reibeweis ta bálido pa 5 aña.
No a emití bo reibeweis na Boneiru, pero sí den Reino? E ora ei bo por usa e reibeweis aki na Boneiru miéntras ku e ta bálido. Si a emití bo reibeweis pafó di Reino, e ora ei bo mester hasi un eksámen di kore di nobo, òf bo por kambia bo reibeweis di eksterior. Informá bo mes na ofisina di reibeweis di entidat públiko kiko ta e posibilidatnan.
Bo ta hasi petishon pa un karchi di reibeweis na departamento di Registro Sivil si:
- bo a slag pa un eksámen di kore pa promé biaha.
- bo a slag pa un kategoria nobo.
- bo reibeweis ta bai kaduká pronto (si bo reibeweis di Reino a kaduká, bo mester renob’é na e pais ei).
- a limitá bo outorisashon pa kore (por ehèmpel pa motibu di aksidente òf malesa).
- bo karchi di reibeweis a pèrdè òf a hòrt’é.
- bo karchi di reibeweis a daña.
Kon bo por pidi esaki?
Asina bo ta hasi petishon pa un karchi di reibeweis:
- Bo ta traha un sita online na departamento di Registro Sivil.
- Bo ta trese:
- bo dokumento di identidat bálido.
- bo reibeweis bieu, si bo ke renobá òf remplas’é.
- un deklarashon médiko, no mas bieu ku 2 luna. Bo por pidi e deklarashon médiko serka bo dòkter di kas.
- Bo ta paga bo karchi di reibeweis na e petishon. Preferiblemente paga ku karchi di banko.
Bo karchi di reibeweis a pèrdè òf a hòrt’é? Notifiká esaki na departamento di Registro Sivil pa bo hasi petishon pa un karchi nobo. Si tin sospecho di mal uso, nos ta konsehá bo pa hasi un denunsia na polis.
Kuantu tempu e ta tuma?
7 dia di trabou despues ku bo a pasa bo eksámen di kore, bo por laga traha e karchi di reibeweis nobo na departamento di Registro Sivil. Ta traha e karchi di reibeweis miéntras bo ta warda.
Kuantu e ta kosta?
Un karchi di reibeweis ta kosta $16,76.
Ki lei i regla ta konta aki?
