Durante bo eksámen práktiko bo ta laga mustra ku bo ta rekonosé peliger, ku bo sa e reglanan di tráfiko i ku bo tin komprenshon di tráfiko. Asina bo por subi kaminda na un manera sigur.
Kiko e produkto òf servisio aki ta nifiká?
Pa por partisipá na e eksámen práktiko, bo mester a slag promé pa bo eksámen teorétiko.
Kon bo por pidi esaki?
- Bo ta bai inskribí na bali di Büró Reibeweis ku un sédula bálido.
- Bo ta entregá un deklarashon médiko ku no ta mas bieu ku 2 luna.
Bo mester disponé di un vehíkulo di motor ku ta kumpli ku e siguiente kondishonnan:
- Èkstra spil, brek i clutch pa vehíkulonan ku transmishon manual
- Èkstra spil i brek pa vehíkulonan ku transmishon outomátiko
E kondishonnan akí ta nesesario pa e eksaminadó por intervení pa garantisá e seguridat durante e eksámen.
Pa mas informashon bo por tuma kontakto ku un skol di manehá òf Büró Reibeweis .
Despues ku bo a slag, bo por hasi un sita na Departamento di Registro Sivil pa laga traha bo reibeweis.
Share Page
