Prueba di nashonalidat hulandes

Tin biaha bo mester prueba ku bo tin nashonalidat hulandes. Por ehèmpel ora bo ta muda bai biba den eksterior. Òf ora bo ta bai kasa. Òf si bo ta solisitá pa un trabou komo ámtenar. Pa esaki bo por apliká pa un prueba di nashonalidat hulandes.

Kiko e produkto òf servisio aki ta nifiká?

Kiko bo mester tene bon kuenta kuné?

E organisashon ku ta pidi pa e prueba, ta determiná kon bieu e prueba por ta. P’esei no tin un periodo fiho di balides.

E prueba di nashonalidat hulandes ta un dokumento di entidat públiko Boneiru. Ku e dokumento aki bo ta mustra ku bo tin nashonalidat hulandes.

Ki ora bo por pidi esaki?

Bo por apliká pa e prueba si bo:

tin nashonalidat hulandes, i
ta inskribí na departamento di Registro Sivil na Boneiru.

Bo por hasi e petishon bo mes òf duna un otro persona outorisashon pa hasi esaki pa bo.

Kon bo por pidi esaki?

Bo por apliká pa un prueba di nashonalidat hulandes na departamento di Registro Sivil. Hasi un sita online pa esaki.

Trese bo prueba di identidat bálido (pasport, sédula òf reibeweis) na bo sita.

Ta traha e prueba mesora miéntras bo ta warda.

Ku ken bo por tuma kontakto?

Departamento di Registro Sivil
Adrès: Kaya Neerlandia 40
Telefòn: (+599) 715 5330
E-mail: info@bonairegov.com

Orario di servisio:
Djaluna te ku djaweps: 08:00 - 15:00 or
Djabièrnè: será

Kuantu tempu e ta tuma?

Bo ta haña e prueba mesora durante bo bishita.

Kuantu e ta kosta?

E prueba di nashonalidat hulandes ta kosta $11,17.

Ki lei i regla ta konta aki?

Wet basisregistratie personen

Unda bo por haña mas informashon?

Kiko nos ta hasi ku bo datonan personal?

Si bo entregá un petishon òf mèldu algu, Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial.

Den e Lei Protekshon di dato personal BES tin skirbí kon Entidat Públiko Boneiru mester hasi esaki.

E reglanan mas prinsipal ta :

Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
Nan ta registrá i prosesá bo datonan di forma seif, konfidenshal i kouteloso.
Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
No ta warda bo datonan mas largu di loke ta nesesario pa e petishon òf loke bo a mèldu.
Otro organisashon ta haña bo datonan solamente si esei mester segun lei.
Bo por puntra pa kua fin ta usa bo datonan i kiko ta hasi ku nan.