Produkto i Servisio
Gobièrnu i Organisashon
Aktualidat

Prueba di inskripshon

Ku un prueba di inskripshon bo por mustra ku bo ta ofisialmente inskribí na departamento di Registro Sivil na Boneiru. Hopi organisashon na Boneiru por pidi pa esaki.

Kiko e produkto òf servisio aki ta nifiká?

Kiko bo mester tene bon kuenta kuné?

Si bo ta hasi petishon pa un prueba di inskripshon pa un otro persona, bo mester mustra un outorisashon por eskrito. Tambe bo mester trese un kopia di e dokumento di identidat bálido di e persona ei.

E departamento di Registro Sivil ta tene un registro di datonan personal di habitantenan di Boneiru. Bo por pidi un kopia di bo mes datonan. Esaki ta yama un prueba di inskripshon.

E prueba di inskripshon ta un dokumento ofisial. E ta mustra ku bo ta inskribí na entidat públiko Boneiru. Riba e prueba di inskripshon tin datonan personal manera bo nòmber, lugá di nasementu, fecha di nasementu i bo adrès aktual.

Ki ora bo por pidi esaki?

Trese un dokumento di identidat bálido, manera:

  • Pasport
  • Sédula
  • Reibeweis

Kon bo por pidi esaki?

Bo por hasi petishon pa un prueba di inskripshon na departamento di Registro Sivil. Traha un sita online pa esaki.

Ta traha e prueba di inskripshon mesora miéntras bo ta warda.

Ku ken bo por tuma kontakto?

Departamento di Registro Sivil
Adrès: Kaya Neerlandia 40
Telefòn: (+599) 715 5330
E-mail: info@bonairegov.com

Orario di servisio
Djaluna te ku djaweps: 08:00 - 15:00 or
Djabièrnè: será

Kuantu tempu e ta tuma?

Bo ta haña e prueba di inskripshon mesora durante bo bishita.

Kuantu e ta kosta?

E prueba di inskripshon ta kosta $4,20.

Un prueba di inskripshon amplio (deklarashon di lugá di biba) ta kosta $8,40.

Ki lei i regla ta konta aki?

Kiko nos ta hasi ku bo datonan personal?

Si bo entregá un petishon òf mèldu algu,  Entidat Públiko Boneiru mester di bo dato personal. Entidat Públiko Boneiru ta atendé bo datonan di forma konfidensial. 

Den e Lei Protekshon di dato personal BES tin skirbí kon Entidat Públiko Boneiru mester hasi esaki. 

E reglanan mas prinsipal ta :

  • Entidat Públiko Boneiru ta pidi solamente dato ku mester pa por atendé ku bo petishon òf pa atendé ku loke bo a mèldu.
  • Nan ta registrá i prosesá bo datonan di forma seif, konfidenshal i kouteloso.
  • Ta usa bo datonan solamente pa e petishon òf loke bo a mèldu, òf pa algu ku tin direktamente di aber ku esei.
  • No ta warda bo datonan mas largu di loke ta nesesario pa e petishon òf loke bo a mèldu.
  • Otro organisashon ta haña bo datonan solamente si esei mester segun lei.
  • Bo por puntra pa kua fin ta usa bo datonan i kiko ta hasi ku nan. 
Chat