Gezaghèber a disidí pa durante aktividatnan di karnaval hasi uso di vigilansia ku kámara. Ta hasi uso di vigilansia ku kámara den e periodo akí pa salbaguardiá mantenshon di òrden públiko i siguridat.
Dikon vigilansia ku kámara?
E kámaranan tin komo meta pa vigilá òrden públiko, mehorá i salbaguardiá siguridat di bishitantenan i sostené polis i otro servisionan di ousilio na momentu ku mester reakshoná rápidamente riba kualke insidente.
Kon e vigilansia di kámara ta funshoná?
- Ta filma solamente den espasio públiko.
- Ta warda e imágennan di kámara pa maksimalmente kuater siman.
- Ta indiká presensia di e kámaranan na un manera klarito.
Te ki dia e vigilansia ku kámara ta keda na vigor?
E vigilansia ku kámara ta keda na vigor te ku dia 5 di mart 2025. Despues di e periodo akí e kámaranan lo no ta aktivo mas.
Huntu pa un Boneiru mas seif
Bo koperashon ta importante pa éksito di e medidanan akí. Nos ta apresiá bo komprenshon i dedikashon. Huntu nos ta sòru pa un Karnaval seif i yen di ambiente na Boneiru.
