E siman akí nan a kuminsá ofisialmente ku e rekonstrukshon di echo relashoná ku e fail di Santa Clara. Manera a anunsiá anteriormente, Gezaghèber a disidí pa laga ehekutá un rekonstrukshon di echo pa haña klaridat tokante e prosesonan, i toma di desishon i transakshonnan di tereno den e área di Santa Clara.
Ebben Partners, un ofisina independiente di integridat ku ekspertisio amplio riba e tereno akí ta ehekutá e rekonstrukshon di echo. Durante e rekonstrukshon no ta hasi ningun partisipashon òf ekspreshon tokante progreso di esaki i tampoko tokante e partidonan ku tin di haber ku e tópiko akí, pa salbaguardiá koutela di e proseso. Despues di finalisashon di e rekonstrukshon di echo ta komuniká tokante resultado di esaki.
