Debí na problema tékniko no ta posibel pa apliká pa e ayudo pa pago di koriente online. Ta p’esei a skohe pa laga hende apliká en persona den bario tanten ku ta traha pa solushoná e problema tékniko. Entrante djaluna 12 di mei 2025 te ku 23 di mei 2025 , siudadano por hasi petishon pa ayudo ku pago di kuenta di koriente WEB òf PAGABON den bario. Esaki ta pa hende ku a haña e ayudo den pasado kaba, òf ta pidi e ayudo pa di promé biaha. Por apliká na sentro di bario na Nikiboko, Nort’i Saliña, Tera Kòrá i Cocari na Rincon.
Pa apliká pa e ayudo, un hende mester kumpli ku algun kondishon. Wak pa tur e kondishonnan na www.bonairegov.com/koriente.
Si tin pregunta por yama/app durante ora di ofisina ku +599 701 10 55, òf manda un mail na Koriente@bonairegov.com
