Durante henter luna di novèmber GGD Boneiru ta ofresé e posibilidat pa pasa angua na kas kontra grip i kontra corona. E servisio akí ta intenshoná pa hende ku ta na kama pa motibu di malesa, hende ku tin difikultat pa kana, òf hende ku no por bin na un sitio pa pasa angua. Hende ku ke pasa e angua(nan) na kas, por mèldu nan mes via e number di telefòn +599 777 6102 pa un sita.
Den luna di novèmber siudadanonan por pasa e angua(nan) ainda riba djasabra 8 di novèmber 2025 di 09:00 or pa 13:00 or na Jong Bonaire. Ta posibel tambe pa pasa e angua(nan) na sentro di bario. Den e skema akí bou tin e sitionan i e oranan pa pasa angua den bario.
| Antriol | Nort'i Saliña | Tera Kòrá |
| Plasa Chicu Goeloe | Sentro di bario | Sentro di bario |
| 4 di novèmber | 6 di novèmber | 5 di novèmber |
| 11 di novèmber | 13 di novèmber | 12 di novèmber |
Pasa angua kontra grip i kontra corona na dòkter di kas
Pashèntnan di Rincon Medical Center por pasa angua kontra grip i kontra corona sin sita te ku 21 di novèmber 2025 na e ofisina di dòkter ei. Serka e otro dòkternan di kas ta posibel pa pasa solamente e angua kontra grip. Pashèntnan no tin mester di traha sita pa esaki.
Prueba di identidat i lista di remedi
Pa pasa e angua(nan) na Jong Bonaire, na sentro di bario, na dòkter di kas òf na kas, ta nesesario pa mustra un prueba di identidat. Hende ku ta bebe remedi i ku no ta pasa e angua(nan) serka nan dòkter di kas, mester mustra un lista di remedi. Promé ku un hende pasa angua, e ta haña algun pregunta pa kontestá.
Mas informashon
Pa pregunta tokante e angua kontra grip i e angua kontra corona, siudadanonan por yama e number di telefòn +599 777 6102 durante ora di ofisina. Nan por manda un email tambe na izb@bonairegov.com. Pa mas informashon tokante e anguanan, wak riba www.bonairegov.com/angua
