For di awe, djamars 14 di aprel 2026, e di 51 kompania di ehérsito ta trein na Boneiru. E kompania, ku ta stashoná na Kòrsou, ta ehekutá e treinen akí pa keda bon prepará pa nan tareanan. Banda di esaki e treinen ta brinda oportunidat pa sera konosí ku e ambiente lokal i pa fortifiká e kolaborashon ku outoridatnan i servisionan ousiliar lokal.
Durante e treinen e militarnan ta hospedá na e klup di scouting na Rincon. E unidat ta ehersé sierto trabounan tambe pa metanan sosial.
Nan ta trein na diferente sitio kaminda ta hasi ehersisio, entre otro na Plantashi Bolivia, e área di kosta na Washikemba i e kancha di tiramentu na Washikemba. Na e sitionan akí nan ta hasi uso di munishon lòs. Esaki no ta munishon di bèrdat. Pa e motibu akí hendenan den bisindario de bes en kuando por tende algun tiru.
Nos ta pidi abitantenan i bishitantenan pa tene kuenta ku e treinen akí i kumpli ku e instrukshonnan ku ta vigente na e sitionan menshoná.
