Den e anochi ku e kandela a surgi na lèntfel, mesora entidat públiko Boneiru a tuma kontakto ku e Sentro Nashonal di Kordinashon Operashonal (Landelijk Operationeel Coördinatiecentrum – LOCC) pa hasi petishon pa midimentu di aire. E midimentu akí ta intenshoná pa determiná e área di impakto di e kandela i pa haña mas bista riba kua ta e supstansianan (posibelmente dañino) ku a bini liber.
Na e momentu akí e Sentro Nashonal di Kordinashon Operashonal (LOCC) ta trahando huntu ku e Servisio di Aksidente Ambiental (Milieu Ongevallen Dienst – MOD) riba ehekushon di e petishon akí.
Kiko ta Sentro Nashonal di Kordinashon Operashonal (LOCC)?
E Sentro Nashonal di Kordinashon Operashonal (LOCC) ta ofresé sosten na maneho di krísis den e parti karibense di Reino Hulandes for di Hulanda Oropeo. Ta ehekutá e ròl di sosten akí den kolaborashon estrecho ku e Sentro Nashonal di Krísis (Nationaal Crisiscentrum – NCC). Den esaki e Sentro Nashonal di Krísis (NCC) ta funshoná komo un punto sentral di kontakto i e ta kordiná e trabounan for di Hulanda Oropeo.
Asina ku e midimentu di aire akí tuma lugá i e resultadonan ta konosí, ta informá habitantenan di Boneiru tokante esaki.
