Entidat públiko Boneiru ta bai ehekutá mantenshon na vegetashon i kayanan den espasio públiko. E periodo ku e trabounan di mantenshon lo tuma lugá ta entre mart pa ougùstùs 2024. Lo proveé informashon regularmente relashoná ku e áreanan di trabou.
E mantenshon na nos vegetashon ta enserá un aserkamentu organisá pa loke ta trata snuimentu di vegetashon eksistente. Ademas ta trata na yega na un sistema di mantenshon struktural pa asina por garantisá siguridat, influensiá e kalidat di bida positivamente i ta kontribuí na nos naturalesa.
Ademas, ta bai hasi mantenshon na kamindanan di tera den barionan. Habitantenan por eksperensia rutanan alternativo temporal, seramentu di kaya i kisas molèster di stòf i/òf zonido. Nos ta trata máksimo posibel pa limitá e molèster.
Mas aleu lo hasi mantenshon di e kamindanan di asfalt pa medio di yena buraku. A tene kuenta ku e impakto di e trabounan aki riba tráfiko i ta ehekutá e mantenshon na momentunan stratégiko. Sinembargo, ainda esaki por trese inkombeniensia kuné.
Nos ta hasi un apelashon pa tene kuenta ku e trabounan i posibel molèster ku esaki por trese kuné. Pa kualke pregunta relashoná ku e trabounan aki, por tuma kontakto ku nos via civielewerken@bonairegov.com.
No lubidá di sigui nos página Gobièrnu di Boneiru pa keda na altura di e último desaroyonan.
