Kolegio Ehekutivo a presentá dos dokumento importante riba 24 di aprel 2025 na Konseho Insular tokante regla nobo pa mantenshon di lei i toleransia na Boneiru. E plannan akí ta splika kon gobièrnu ta supervisá, mantené regla i na ki momento no ta aktua kontra faltamentu ku regla. Ku e reglanan akí siudadano i empresario sa mihó kiko nan por spera i nan sa tambe ku ta tuma desishon na un forma hustu.
E di promé plan ta e kuadro di maneho ‘Toleransia di entidat públiko Boneiru.’ Aki den tin skirbí ki ora i dikon gobièrnu ta skohe pa temporalmente no intervení ora no ta kumpli ku regla. Esaki ta permití solamente den kaso partikular i mester sosodé semper na un forma kla i hustu.
“Toleransia no ke men ku no ta kita nos bista pa no wak loke ta pasa”, asina diputado Clark Abraham ta splika.“Ta un eskoho konsiente di gobièrnu. Ku regla kla nos ta sòru pa siudadano i empresario komprondé dikon ta hasi e eskohonan.”
E di dos plan ta e ‘Nota di Inisio pa Nota di Kuadro di Strategia di Mantenshon.’ Esaki ta e promé paso pa yega na un plan mas grandi pa supervisá i mantené regla. E meta ta:
- pa hasi eskoho kla tokante e loke ta supervisá
- pa traha mihó ku otro organisashon,
- i pa usa personal i plaka di un forma mas inteligente
Lo kuminsá traha riba e kuadro di maneho di toleransia riba término kòrtiku. Huntu ku Konseho Insular i partner sosial relevante, ta sigui elaborá tambe riba e nota di inisio tokante strategia di mantenshon. Gobièrnu lo sigui informá riba último desaroyonan di e proposishon akí. Pa mas informashon por tuma kontakto ku communicatie@bonairegov.com.
